Mange forskarar har snakka med foreldre, fosterforeldre og barnevernet, men nesten ingen har snakka med barn og unge om dette. Barn og unge har viktig kunnskap som hjelpetenestene treng for å kunne gje dei naudsynt støtte i denne prosessen.

Vi ønskjer å snakke med 15-20 unge som har opplevd ei gjenforening etter å ha vore under omsorg av barnevernet (til dømes fosterheim, barneverninstitusjon eller einetiltak).

Dersom du vil bidra, inneber det å delta på eit intervju på om lag ein time. Intervjuet kan gjennomførast digitalt eller fysisk, og du vil få eit gåvekort på 300 kr for å delta. For å delta må du vere mellom 16 og 25 år og ha blitt gjenforent med foreldra dine etter å ha vore under barnevernet sin omsorg. Lenke til påmeldingsskjema.