Kompetanseløftet for spesialundervisning og inkluderande praksis

I 2020/21 vart den nye ordninga Kompetanseløft for spesialpedagogikk og inkluderende praksis innført. Denne ordninga skal sikre at kommunar har nødvendig kompetanse og tverrfagleg samarbeid i «laget rundt barna» til raskt å kunne gi eit inkluderande læringsmiljø og dekke behovet for særskilt tilrettelegging hjå barn og unge. Kartlegging av behov og kompetanseutvikling er basert på samarbeid mellom aktørane i «laget rundt barna/elevane» og universitet- og høgskulesektoren.

Den overordna målsettinga i Meld.St. 6 «Tett på – tidlig innsats og inkluderende fellesskap i barnehage, skole og SFO» er at alle barn og unge skal gis moglegheit for utvikling, meistring, læring og trivsel uavhengig av sine forutsetningar.

Målet med kompetanseløftet er at:

  • Det skal bidra til at alle kommunar og fylkeskommunar har tilstrekkeleg kompetanse tett på barna og elevane for å kunne fange opp og gi et inkluderande og tilpassa pedagogisk tilbod til alle, inkludert barn og elever med behov for særskilt tilrettelegging.
  • Barnehagar, skular og støttesystem rundt barn og unge skal jobbe samen for å skape inkluderande fellesskap og tilpasse det pedagogiske tilbodet, slik at alle får et best mogleg utgangspunkt for utvikling og læring.

Tilskotsordninga

Kompetanseløftet for spesialpedagogikk og inkluderande praksis legg opp til ei styrking av det tverrfaglege samarbeidet i «laget rundt barna/elevane», og lanserer eit varig kompetanseløft på det spesialpedagogiske feltet for tilsette i barnehagar, skular og PP-tenesta slik at alle barn og unge raskt får eit tilpassa tilbod. Innan 2025 skal kommunar og fylkeskommunar vere i stand til å handtere dei vanlegaste utfordringsområda sjølv, som i dag vert dekka av StatPed.

Pyramide på tre nivå

På HVO nyttar vi benemninga høgfrekvente- (læringsrelaterte- og psykososiale forhold) og lågfrekvente (sjeldnare: sansetap, tyngre utviklingshemming) forhald, kor høgfrekvente forhald viser til nivå 1 og lågfrekvente forhald til nivå 2 og 3. StatPed vil, frå 2025 og framover, ha sitt primære fokusområde på Nivå 3 og VOK-områder. Det vil seie særleg tilrettelegging for tilfelle som er varige, omfattande og særleg komplekse (derav forkortinga «VOK»).

 

Nivå 1 – Alle barn og unge treng tilpassa tilbod

Har kommunen og «laget rundt barnet» ein grunnkompetanse knytt til:

  1. Læringsrelaterte forhald: Språk, lese/skrive og matematikk moglegheiter/ og utfordringar.
  2. Psykososiale forhald/psykisk helse moglegheiter/utfordringar

 

Nivå 2 – Barn og unge med spesiell behov for tilrettelegging

Har kommunen og «laget rundt barnet» ressursar med utdjupa kompetanse utover grunnkompetansen på Nivå 1, til å møte barn og unge med behov for spesiell tilrettelegging?

Har alle som jobbar med barn med spesielle behov/vedtak djupnekunnskap i barnet sine moglegheiter/utfordringar?

 

Nivå 3 – Barn/elevar med varige og omfattande/særlege komplekse behov

Har kommunen og «laget rundt barnet» ein ekspert innanfor relevant tematikk i høve varige, omfattande og særleg komplekse behov.

Forskingsbasert utviklingsarbeid

HVO er godt i gang med arbeid inn mot Kompetanseløftet, og har i fellesskap med tre andre universitet utarbeidd kompetansekartleggingsverktøy KOSIP som tar for seg både den spesialpedagogiske- og inkluderande kompetansen i kommunen. Kartlegginga ser også på leiing og tverrfagleg samarbeid i «laget rundt barnet». HVO samarbeider med kommunane og regionen om analysearbeid frå kartleggingen. Utfrå resultata vil HVO kunne bidra med spisskompetanse og erfaring med høg- og lågfrekvente forhald i arbeide for å utvikle og heve kompetanse og tiltaksarbeid i dei enkelte kommunane/regionen. Vi baserer samarbeidet ut frå lokale behov, og har derav ulike prosesser gåande i ulike partnarskap.

HVO kan støtte din kommune eller nettverk av kommunar med å få svar på kompetansegap og å auke kompetansen, og vi samarbeider med StatPed, NAV og andre relevante institusjonar/organisasjonar etter behov.

I kompetanseløftet samarbeider HVO med kommunar/nettverk i Møre og Romsdal

KOSIP og analysearbeid

HVO nyttar kompetansekartlegginga KOSIP inn mot kompetanseløftet

Kartleggingsverktøyet er utvikla i samarbeid mellom:

  • UiS ved Marianne Sandvik Tveitnes
  • UiT ved Mirjam Harkestad Olsen
  • HVO ved Silje Ims Lied
  • USN ved Hilde S. Stokke

Verktøyet tek for seg temaområda:

  • Inkludering og tilpassa opplæring/ spesialundervisning
  • Tverrfagleg samarbeid og organisering
  • Leiing og organisasjonsutvikling
  • Spesialpedagogisk kompetanse som einingane har og ønskjer meir av

Målgruppa for kartlegginga omfattar barnehage, skule/SFO, PP-tenesta og kan inkludere andre støttetenester som barnevern, helsetenesta o.a.

I kartleggingsfasen jobbar vi i kollektive prosessar med våre samarbeidspartnarar, og identifiserer og prioriterer tiltak å jobbe med framover ut frå lokale behov - som blant anna kan vere basert på resultata av kartlegginga eller anna informasjon.