Arbeid for funksjonshemma i Nairobi
Avtalen inneber ei konkretisering av mål og aktivitar knytt til samarbeidet for åra 2007 – 2010. Hovudfokus for prosjektet i Mathare-slummen i Nairobi er integrering av funksjonshemma i lokalsamfunnet. Her kan "Merkesteinane" vise til solide erfaringar, sist dokumentert gjennom den blodferske dokumentarfilmen "It’s hard to be a rock’n’roller” ,ein film som har hausta store ovasjonar.
Høgskulen i Volda ser det som svært interessant å vere ein aktiv part i partnarskapet, ikkje minst fordi Kenya er eit av nøkkellanda innan det internasjonale arbeidet. MYSA, som har drive aktivt arbeid blant unge i slummen utanfor Nairobi i ein tjueårsperiode, har hittil ikkje fokusert på funksjonshemma. Dei har lenge hatt eit ønske om å arbeide mot denne gruppa og ser fram til å bygge opp kompetanse på området.
Høgskulelektor Ingun Klepp ved Institutt for sosialfag er prosjektleiar. Gruppa elles er samansett av Øyvind Lied,Jostein Bjørdal og Ludvig Flåskjær frå Merksteinane, Jan Einar Flø og Cecilie Wilhelmsen frå HVO, men ikkje minst, to sentrale medarbeidarar i MYSA,George Ndiritu og Ismail Hussein.