Dokfilmfestivalen treng frivillige. Fristen er no 13. jan.

- Fotograf, kafésjefar, barsjefar, grafikarar, webutviklarar, gjesteansvarleg og engelsk korrekturlesar er berre noko av det me treng. Dette er verv som krev litt arbeid i månadene fram mot festivalen, og difor må fleire komma i gong så fort som mogleg, fortel Gunhild Gjølstad Skarstein, leiar for Den Norske Dokumentarfilmfestivalen.



Det nyvalde styret for Den Norske Dokumentarfilmfestivalen 2006
Les meir om styret.

Hun lovar at festivalen vert eit av dei verkelege høgdepunkta i løpet av studieåret i Volda.
– Det kjem til å skje veldig mykje spanande dei siste dagane i april, men for at dette skal skje treng me fleire til å hjelpa oss, oppfordrar Gjølstad Skarstein. Ein treng ikkje ha erfaring med jobben frå tidlegare - alle vil få starthjelp frå den engasjerte gjengen i styret.

Men det byrjar å hasta viss ein vil vera med, 13. januar er siste frist for dei ettertrakta jobbane.
- Det er ingen grunn til å venta, send oss ein e-post i dag, så er du sikra å vera med i kampen om dei beste verva denne Volda-våren vil by på, oppfordrar Gunhild.

Informasjon om alle jobbane.
 
Den Norske Dokumentarfilmfestivalen er ein idealistisk filmfestival som vert arrangert for tiande gong 26. – 30. april 2006. I fjor vart det vist rundt 60 filmer fra inn- og utland, i tillegg til faglege debattar, konsertar, pitcheforum og mykje, mykje meir. Og best av alt - festivalpass til heile festivalen kostar usle 20 kroner.