Medie, IKT og designstudentar med filmprosjekt i Vietnam
I løpet av hausten 2010 kjem studentane tilbake til Volda for å gjere ferdig ein film og ei biletutstilling av heile prosjektet. Espen har erfaring frå dokumentariske reiser tidlegare. Les om reisa hans til Uganda.
– Vi har lenge planlagt ideen om eit mogleg prosjekt, skriv studentane prosjektet si nettside.
Allereie hausten 2009 starta tanken å ta form. No etter jul kunne vi slå fast at prosjektet skulle verte ein realitet.
– No reiser vi 30. mai, melder dei på e-post.
Dagleglivet som turistane ikkje ser
– Vi kjem til å vere i Vietnam i tre veker, der målet er å oppleve landet slik lokalbefolkninga gjer det. Vi skal følgje menneske i dei daglege aktivitetane, gjennom deira kvardagslege gjeremål, og oppsøkje dei som turistar i håp om at noko skal skje. Vi vil fange historiene som treff oss, seier dei.
– Vi trur at dette er med på å utvikle vårt potensiale som fotografar, samstundes som det vil vere med på å setje bilete på eit anleis land for menneske her heime i Noreg.