Sosialt - spennande - utfordrande
Anne Smith-Meyer (21) og Ida Elisabeth Hardal (24) har lunsj i kantina, noko som er eit viktig høgdepunkt i studentkvardagen deira. Anne kjem opphaveleg frå Sandnes, og går årsstudium mediekunnskap. Gjennom studiet vart ho vart kjend med Ida frå Oslo, som går 4. åretpå allmennlærarutdanninga med spesialisering i mediekunnskap.
– Det å vere student er noko heilt anna enn å vere elev. Ein bur ikkje lengerheime og ein får nye venner, seier Anne.
Ida er einig og seier:
- Volda er ein spesiell studiestad. Det er lett å få venner på tvers av alder og studieretning, og fordi miljøet er tett blir vi ein stor sosial gjeng.
Anne og Ida har begge valt Volda som studiestad og er glade for det.
Eige val
Mange blir påverka av andre til å velje studieretning, men både Ida og Anne kom fram til valet sjølve. Anne er interessert i media og produksjon,og har valt å starte med eit årsstudium i mediekunnskap. Ida fekk prøve læraryrket i praksis, og fann ut at ho ville fortsetje med det.
Trivst i Volda
Volda har vakker natur og ligg tett omkransa av Sunnmørsalpane. Ein kan spørje kva som får to unge jenter frå aust- og vestlandet til å velje Volda, av alle stader.
– Det var ganske tilfeldig, seier dei to i kor.
– Eg vart frå meg då eg fekk vite eg kom inn. Tanken på å ikkjevite noko om Volda, at det er ein liten stad og i tillegg på Vestlandet var skremmande. Men vi kom hit, treivst frå første dag, vart her og har ikkje angra ein einaste gong, seier Ida.
Aktive studentar
Studentane i Volda er kjende for å vere aktive innan studentpolitikk, frivillig organisasjonsarbeid og kulturaktivitetar. Det kreative miljøet ved Høgskulen gjenspeglast i dei ulike fritidsaktivitetane. Ida og Anne er begge aktive ved studenthuset Rokken. Anne ernyvalt personalsjef, eit verv som Ida hadde for eit år sidan. Ho er no medstyret for Dokfilm-festivalen.
– Det tek litt fritid, men så er det veldig sosialt. Vi er mykje saman, og i Volda er ein er aldri aleine, seier Anne.
Begge er samde om at det var eit bevisst val å engasjere seg. Det er ein fin måte å treffe folk utanom klassemiljøet, og det er ekstra kjekt når ein er ny.
Dei ramsar opp fritidsaktivitetar dei er med på: aktivitetar på Rokken, sosiale treff med matlaging, filmprosjekt, ski og trening.
– Eg har ikkje ein frikveld denneveka, og i helga er det fest og moro, seier Ida. Ingen av dei haddevalt annleis om dei kunne velje på nytt.
– Eg er kjempeglad for at eg er her no, seier Anne.
Dei to er samstemde om at det er kjekt å studere, og oppsummerer det å vere student i Volda med desse orda: Sosialt - spennande – utfordrande.
Les meir om Volda som studiestad