STiV treng leiar og velferdsansvarleg
I denne omgang søkjer STiV ny leiar og velferdsansvarleg. Stillingsbeskrivingane er som fylgjer:
Leiar
- Leiar skal representere STiV utad på ein sakleg og ryddig måte.
- Leiar har hovudansvar for mediehandtering.
- Leiar er nærmaste overordna til organisasjonssekretær i STiV og ansvarleg for denne sitt arbeidsmiljø.
- Leiar skal ivareta og vidareutvikle kontaktnettet til STiV. Leiar er underlagt STiV sitt prinsipprogram og vedtak, og skal arbeide og stemme i tråd med desse.
- Kontaktnettet omfattar, i prioritert rekkefølgje:
- Leiinga ved HVO
- Studentsamskipnaden for Sunnmøre
- Studentenes Landsforbund
- Andre studentparlament
- Leiar er ansvarleg for at vedtak fatta i STiV blir iverksett.
- Leiar er ansvarleg for at det daglege arbeidet i STiV vert utført.
- Leiar skal koordinere arbeidet til medlemane av styret og leie styremøta.
- Leiar er ansvarleg for den økonomiske styringa i STiV, og skal godkjenne alle transaksjonar.
- Leiar er ansvarleg for at eit nytt studentting opprettast etter studiestart.
- Leiar skal holde seg oppdatert på høgskulestyret si verksemd.
Velferdsansvarleg
- Velferdsansvarleg sit i Læringsmiljøutvalget (LMU).
- Velferdsansvarleg samarbeidar med Studentsamskipnaden for Sunnmøre for å vidareutvikle velferdstilbodet for studentane.
- Velferdsansvarleg er kontaktperson for fadderordninga.
- Velferdsansvarlig skal evaluere fadderordninga og avlevere rapport til styret før andre studenttingmøte på hausten.
- Velferdsansvarleg skal vere STiV sin kontaktperson for alle lag og organisasjonar ved HVO, og skal vere informert om støtteordningar, kontaktpersonar og anna relevant informasjon som angår desse.
Kom innom STiV-kontoret om du vil vite meir. Vala vert gjennomført under studenttingsmøte onsdag 27. januar kl 17.00. Stad: Konferanserommet på Rokken.