Stor interesse for internasjonalisering

- Internasjonal dag vekte stor interesse i år også – og over 100 studentar viste stor interesse, fortel internasjonal koordinator ved Høgskulen i Volda, Cecilie Wilhelmsen.

Dei frammøtte fekk møte Nadia Kristensen fra Augsburg College i USA, Hassan Mathalib frå Kuala Lumpur, Noemi Maczelka frå Szeged University i Ungarn og fleire andre interessante personar.

I tillegg fekk studentar med reiselyst nyttige tips til utanlandsopphald, informasjon om stipendordningar og lån.
Studentar og tilsette som har vore ute i verda fortalde også om opplevingar og erfaringar.

Ane Marte Brattli (23) og Elin Roksvåg (23) var av dei første som drog til Malawi frå Høgskulen i Volda då dei tok del i ei studentutveksling gjennom skuleretta samfunnsfag. No nyttar Ane Marte erfaringane sine i bachelorstudiet Informasjon og Media, medan Elin går Kristendom grunnfag.

Nokre av deltakarane då Høgskulen i Volda arrangerte Internasjonal dag: F.v.: Ann Hammond frå Australia, Dóra Mannó frå Ungarn, Marit Ulvund frå dramaseksjonen ved Høgskulen i Volda, Seval frå Tyrkia, Bente Marie Sydness, Alpagut Yavuz frå Tyrkia og internasjonal koordinator for lærarutdanninga, Kjell Holby. I bakgrunnen: Internasjonal koordinator ved Høgskulen i Volda, Cecilie Wilhelmsen.