Studentar snart heime frå India

Seks sosialarbeidarstudentar har praksis i Mangalore på vestkysten av India:

Frå venstre: lærar og praksisrettleiar Joselyn Lobo, Kristin Klever Aasgaard, Lise Katrin Vadset Tafjord, Hilde Myklebust, lærar ved Roshni, Tor-Johan Ekeland frå Institutt for sosialfag, rektor ved Roshni dr. Jacinta D`Souza, Silje Terese Heltne, Solveig Jakobsen, Iris Hellem og Anil Bahl frå Institutt for sosialfag.

Sosialfagstudentar i India
Seks sosialarbeidarstudentar gjennomfører no praksisperioda si i Mangalore på vestkysten av India. Dette er ein del av samarbeidet som institutt for sosialfag har etablert med sosialarbeidarutdanninga Roshni Nilaya, knytt til universitetet i Mangalore. Frå midten av september til jul har studentane hatt høve til å ha praksis både på rusklinnikkar, spesialskular, familiearbeid, og sammfunnsarbeid gjennom ulike prosjekt i lokalsamfunna som tek sikte på å utvikle lokal innsats og kompetanse.

Lærar Tor-Johan Ekeland ved Institutt for sosialfag, som nyleg har besøkt studentane i India, seier han er imponert over den evna dei viser til å takle dei lokale utfordringane.

Journaliststudentar tek kurset ”Reportasjearbeid i framand kultur”:

I INDIA: Studentar og lærarar frå journalistutdanning ved Høgskulen i Volda ved besøk av eit Sikh-tempel i Dehli. F.v.: Ingvild Sættem Beltesbrekke, Sigrid Velle Dypbukt og Sigrun Agøy Engum. Bak: lærar Torgeir Dimmen, ein ukjend indisk gut og Lars Mørck Aaen. Rune Skogheim, Eirik Stokstad Brødholt og lærar Eivind Rønnestad var òg med på turen. FOTO: Eirik Stokstad Brødholt.

Kvar haust får studentane ved journalistutdanninga tilbod om kurset ”Reportasjearbeid i framand kultur”. Dette er eit tredelt kurs, der ein fyrst har åtte veker innføring, så sju veker i India, og til slutt tre veker etterarbeid i Volda. Målet med emnet er å gje trening i å arbeida journalistisk i ein framand kultur og å lage reportasjar.

Studentane har i år laga feature-artiklar om India, og dei har besøkt indiske universitet med journalistutdanning. På slutten av opphaldet reiser dei rundt og opplever kulturen i India. Så langt har dei vore i hovudstaden Delhi, Bangalore, Mysore, Mangalore, Manipal, Goa og Mumbai. Dei to lærarane som var med, drog til Noreg etter Goa. Om ei veke reiser også studentane heim att til Volda.