Studentpraksisen avslutta med Oscar-utdeling

Det var ei gruppe frå Bratteberg skule som vann publikumsprisen med tittel "Husverten" og ei gruppe frå Austefjord skule som vann fagjuryen sin pris med "Det store racet".

Elevane kom inn på raud løpar, med journalistar og fotografar på begge sider.

Elevane som tok del besto av to 6. klasser på Bratteberg skule, ei 6. klasse på Øyra skule, 7. klasse frå Folkestad skule og 6. og 7.klasse frå Austefjord skule. Til saman 96 elevar.

Elevane har skrive manus, vore skodespelarar og delteke på redigering av filmane. Det er laga 15 filmar på om lag 5 minutt kvar. Det er mange ulike sjangrar, mellom anna krim, spøkelse, komedie, grøssar, drama, m.m.
To prisar var delt ut, ein fagjurypris og ein publikumspris.

Etterpå var det dekka til langbord i kantina på høgskulen. Studentane kjøpte bollar til elevane og serverte saft.