Rolle og oppgåver som tillitsvald

Som tillitsvald tek du vare på studentane sine interesser og rettar i møte med Høgskulen

Dine oppgåver

Som tillitsvald har du nokre faste oppgåver, og nokre oppgåver som blir forma ut i frå behovet til kullet ditt.

Du blir medlem i kvalitetsutvalet på ditt studieprogram
Du deltek på allmøter for tillitsvalde, der du kan ta opp og diskutere saker på tvers av studium
Du bidreg til god informasjonsflyt mellom studentane, Høgskulen og Studentdemokratiet
Du kan ta opp saker på vegne av ditt kull/studium ved behov. T.d. knytt til undervisning, timeplanar, eksamen, studentar sine lovfesta rettar etc.
Du kan enkelt melde saker til oss i Studentparlamentet
Du kan ta initiativ til sosiale aktivitetar for klassen/kullet. Dette er ikkje eit krav, men noko mange studentar set pris på. Eksempel kan vere felles lunsj i kantina, juleavslutning, søndagstur rundt Rotevatnet eller å møtest på Rokken kafe.

I rolla som tillitsvald er det viktig at dine medstudentar har tillit til at du handsamar saker på ein ryddig måte.

Dei tillitsvalde på studieprogramma er grunnfjellet til Studentdemokratiet, og ei av dei viktigaste funksjonane dine er å fange opp kva som rører seg på kullet, slik at vi kan ta tak i eventuelle utfordringar som måtte oppstå
Som tillitsvald har du teieplikt, og det du får vite av sensitiv personinformasjon skal ikkje delast med uvedkomande
Du fungerer som ein kontakt mellom studentane og Høgskulen, og hjelper oss i Studentparlamentet å ta pulsen på utdanningane ved Høgskulen
Du har krav på gyldig fritak frå undervisning dersom du deltek på møter knytt til vervet som kolliderer med undervisninga di
Du kan få attest frå Studentparlamentet ved endt verv

Les meir om vervet i T illitsvaldhandboka!

Er du usikker på vervet eller korleis du skal gå fram i ei sak, er det berre å ta kontakt med oss i AU.