Digital eksamen

Heimeeksamen direkte i Inspera 

• Du finn eksamensdato og kandidatnummer i Studentweb 
• Du finn oppgåveteksten i Inspera når eksamen startar 
• Du skal skrive eksamenssvaret ditt direkte i Inspera, og under eksamen vil eksamenssvaret ditt verte lagra automatisk. Du kan difor logge inn og ut av systemet utan å miste det du har skrive. 
• Når eksamenstida er ute, vil eksamenssvaret ditt verte levert automatisk. 
• Etter at eksamenstida er ute kan du finne eksamenssvaret ditt i «Arkiv» i Inspera. 
   

Heimeeksamen med filopplasting 

• Du finn eksamensdato og kandidatnummer i Studentweb 
• Du finn oppgåveteksten i Inspera når eksamen startar 
• Du skriv eksamenssvaret i eit eige dokument som du lagrar på din eigen PC, og lastar opp denne fila som PDF-fil i Inspera innan innleveringsfristen er ute. 
• Du kan bytte ut fila så mange gonger du vil fram til innleveringsfristen. Når eksamenstida er ute, vil fila du har lasta opp bli levert automatisk. 
• Pass på å starte innleveringa i god tid før fristen er ute, så fila vert opplasta riktig 
• Etter at eksamenstida er ute kan du finne eksamenssvaret ditt i «Arkiv» i Inspera. 

• Du finn eksamensdato og kandidatnummer i Studentweb 
• Mappa opnar for innlevering éi veke før fristen, med mindre anna er spesifisert i emneplan eller eksamensplan. 
• Det kjem fram av oppgåva kor mange filer som skal leverast. Pass på at du leverer i rett format. Dersom du berre skal levere éi fil, må eventuelle vedlegg leggast inn i same dokumentet som resten av oppgåva før du leverer. 
• Dersom du skal levere eit fysisk produkt, vil du finne instruks for innlevering i Canvasrommet til emnet. 

Studentar oppretter grupper 

Opprett gruppa så tidleg som mogleg etter at eksamen har opna, slik at de har god tid til å ordne med innmelding av alle medlemmer i gruppa og innlevering av oppgåva før fristen er ute. 

1: Oppretting av gruppe 

• Éin av gruppemedlemmene loggar på Inspera, klikkar seg inn på prøva og deretter «sjå fleire detaljar».  
• Opprett gruppe ved å velje «Lag ny gruppe». 
• Vel ei PIN-kode for gruppa. Denne koden er «nøkkelen» til gruppa. Ikkje vel t.d. 1234, 1111 eller andre «enkle» kodar. Då kan andre melde seg på gruppa dykkar ved eit uhell.  
• Distribuer PIN-koden til dei andre i gruppa.  

2: Innmelding i gruppe 

• Dei andre medlemmene i gruppa loggar på Inspera, klikkar seg inn på prøva og deretter «sjå fleire detaljar» 
• Meld deg inn i gruppa ved å velje «Bli med i eksisterende gruppe».  
• Tast inn pin-koden du har fått av den som har oppretta gruppa. Når dette er gjort, vert kandidatnummeret ditt lagt til i gruppa.  

3: Innlevering 

Innlevering må ikkje skje før alle medlemmene er med i gruppa. Ved innlevering stengjer ein gruppa for nye medlemmer.  

• Éin av gruppemedlemmene loggar inn i Inspera, klikkar seg inn på prøva og deretter opnar prøva. 
• Last opp gruppeoppgåva i filtypen oppgåva spesifiserar. 
• Etter at eksamenstida er ute kan alle medlemmane finne eksamenssvaret i sitt «Arkiv» i Inspera. 
   

Førehandsdefinerte grupper 

• Éin av medlemmane i gruppa lastar opp oppgåva i filtypen spesifisert av oppgåva.  
• Etter at oppgåva er levert, har alle medlemmer i gruppa tilgang til oppgåva i Inspera. 
• Alle medlemmer i gruppa har høve til å erstatte den leverte fila fram til innleveringsfristen er ute. Det er siste opplasta versjon som vert sendt til sensur for alle medlemmar i gruppa. 
• Etter at eksamenstida er ute kan alle medlemmane finne eksamenssvaret i sitt «Arkiv» i Inspera.