Vidareutdanning (bachelornivå)
Forvaltningsarbeid
Nettstudiet gir ei innføring i ulike sider ved offentleg forvaltning. Du får mellom anna kunnskap om brukarorientering, styring og omstilling og dessutan elementær innføring i forvaltningsrett og arbeidsrett. Studiet høver godt for deg som er, eller vil bli, sakshandsamar i offentleg sektor.
- Start:
- Vår
- Omfang:
- Deltid Nettstudium
- Studiepoeng:
- 15,0
- Varigheit:
- 1 semester
- Studietype:
- Vidareutdanning (bachelornivå)
- Søk frå:
- 01.11.2024
Studiet har løpande opptak.
Nettstudiet i forvaltningsarbeid gir innføring i ulike sider ved offentleg forvaltning. Du får mellom anna kunnskap om styring, politikk og demokrati, omstilling, brukarorientering og grunnleggande innføring i forvaltningsrett og arbeidsrett.
Studiet passar for deg som vil oppdatere deg på fagfeltet ditt, eller for deg som ønskjer kunnskap om nye fagområde. I dette studiet kan du utvikle teoretisk og praktisk kunnskap om offentlege reformar og utviklingstrekk.
Emnet er særleg eigna som vidareutdanning for yrkesaktive med erfaring frå offentleg forvaltning. Det passar også for deg som ikkje har studert før, og som ønskjer å lære meir som samspelet mellom politikk og forvaltning om mellom offentleg forvaltning og samfunnet. Emnet er også eit første steg mot ein bachelorgrad ved Høgskulen i Volda, for eksempel bachelor i samfunnsutvikling.
Kvifor velje dette emnet?
Fleksibel læring: Med våre nettleksjonar og læringsfilmar kan du studere når og kvar det passer deg. Du kan studere ved sida av jobb.
Praktisk kunnskap: Lær om offentleg forvaltning, forvaltningsrett og arbeidsrett gjennom praktiske eksempel og case-oppgåver.
Kva lærer du?
Offentleg forvaltning: Forstå korleis offentleg forvaltning er strukturert og blir styrt.
Juridisk kunnskap: Lær om forvaltningsrett og arbeidsrett som gjeld for offentleg tilsette.
Kommunikasjon: I emnet får du praktiske øvingar der du skal formulere faglege argument på ein tydeleg måte. Gjennom innsending av skriftleg arbeid vil du få verdifull tilbakemelding som kan hjelpe deg å forbetre det akademiske språket. Du lærer om korleis du strukturerer ein tekst for å formidle bodskapen på ein god måte.
Studiet har ei studieavgift på kr 5 000, i tillegg til semesteravgift.
Opptakskrav
Generell studiekompetanse.
Undervisningsmåtar og vurderingsordningar
Undervisninga er organisert i nettleksjonar, videooptak av enkelte førelesingar, tilbod om rettleiing på arbeidskrav og diskusjonsforum på nettet.
Aktuelle yrke og vidare studium
Studiet gir ei nyttig og grunnleggande innføring i viktige tema innanfor offentleg forvaltning og sakshandsaming.
Tidspunkt for oppmøte og samlingar
Dette er eit reint nettbasert studium utan fysiske eller digitale samlingar. Aktivitetane går føre seg på Canvas.
Pensum
Pensumlista blir publisert, på nettsidene våre, medio november.
Studieplan
Forvaltningsarbeid (nettstudium)
Studiet skal gi folk som driv med sakshandsaming eit vidare perspektiv og ei vidare kvalifisering i yrkeskarrieren. Studiet gir ei kort innføring i:
- offentleg forvaltning - prosessar og strukturar
- styring, kontroll, omstilling
- brukarorientering
- styringsmåtar i offentleg forvaltning
- økonomistyring og personaladministrasjon
- offentligrettslege emne (forvaltningsloven og arbeidsrett)
Studiet vil eigne seg for personar som arbeider i, eller tek sikte på å arbeide i, offentleg forvaltning. Studiet eignar seg også for personar i privat sektor som har behov for kunnskap om rettsreglar som styrer offentleg myndeutøving.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten·skal ha kunnskap om
- viktige funksjonar i offentleg forvaltning· og om korleis forvaltninga er organisert
- viktige forvaltningsmessige utviklingstrekk og utfordringar
- viktige trekk ved samfunnsvitskapleg og juridisk tenkemåte
Studenten skal kunne
- gjere greie for sentrale element ved norsk forvaltning og vere i stand til å nytte denne kunnskapen som grunnlag for drøfting av praktiske og teoretiske problemstillingar i forvaltninga·
- reflektere fagleg rundt sentrale samfunnsvitskaplege og juridiske omgrep, og gjere bruk av desse på ein kritisk måte
Studenten skal kunne vise evne til refleksjon og kritisk tenking rundt sentrale problemstillingar i forvaltninga.
- Skriftlege nettleksjonar
- Videosnuttar
- Tilbod om rettleiing på arbeidskrav
- Diskusjonsforum på nettet
Læringsplattforma Canvas vert nytta til leksjonar, innsending av oppgåver, rettleiing og diskusjonsforum, og til utsending av informasjon. Studiet føreset at studenten er aktiv i Canvas.
| Emne | 2025 Vår |
|---|---|
| 15 | |
| Sum (15 total) | 15 |
Kr 5.000,- i studieavgift
