Samfunnsutvikling
Bachelorgrad
Opnar for søking igjen 20.juli!
Vil du vere med å forme ei berekraftig framtid? Oppdag Bachelorstudiet i Samfunnsutvikling ved Høgskulen i Volda! Dette er eit studium for deg som ønskjer å gjere ein forskjell. Med ei tverrfagleg tilnærming gir dette studiet deg dei verktøya du treng for å påverke og leie samfunnsendringar i offentleg, frivillig og privat sektor.
Kva lærer du?
- Planlegging: Lær korleis du kan bidra til ei grønare framtid gjennom berekraftig samfunnsplanlegging.
- Governance: Forstå kompleksiteten i styringssystem og demokratiutøving på alle nivå.
- Prosessleiing: Utvikle ferdigheiter i kommunikasjon og samhandling for å leie endringsprosessar.
Kvifor velje oss?
- Arbeidslivsrelevans: Gjennom prosjektarbeid, praksisbesøk og studieturar får du verdifull erfaring som gjer deg jobbklar.
- Internasjonale moglegheiter: Ta delar av studiet i utlandet og få eit globalt perspektiv.
- Videre studiar: Studiet kvalifiserer for opptak til Master i samfunnsplanlegging og leiing, slik at du kan ta utdanninga di endå lenger.
Er du klar for å ta steget? Søk på Bachelor i samfunnsutvikling og start reisa di mot å bli ein samfunnsbyggjar!
- Heiltid
- Varigheit 6 semester (3 år)
- 180 studiepoeng
- Start haustSøknadsperiode 01.02.2024 - 15.04.2024
- Opptakskrav
Generell studiekompetanse.
- Studieplan
Studieinnhald
Studiet vektlegg tre fagområde som er gjennomgåande for heile bachelorstudiet; planlegging, governance, og prosessleiing.
Første studieår får du ei innføring i alle tre fagområda. Studieåret består av i alt seks emne og desse legg grunnlaget for resten av bachelorstudiet. Studieåret vert avslutta med eit tverrfagleg prosjektarbeid i lokalsamfunnsanalyse. Dette er eit feltarbeid som blir gjennomført i ein kommune /lokalsamfunn enten nasjonalt eller internasjonalt.
Andre studieår i haustsemesteret tar du tre emne som dekkjer eit breiare spekter av dei tre fagområda. I vårsemesteret andre studieåret er det valfag. Her kan du velje mellom fordjupingsemne innanfor dei tre fagområda, eller du kan reise på utveksling eller gjennomføre eit praksisopphald i utlandet.
Tredje studieår i haustsemesteret tek du eit fordjupingsemne i planlegging og eit i governance. Her gjennomfører du eit prosjektarbeid i tilknyting til praksisfeltet, og du får tilbod om å vere med på studietur til utlandet. I vårsemesteret tek du eit fordjupingsemne i prosessleiing, i tillegg til å skrive ei bacheloroppgåve.
Sjølv om teksten her er på nynorsk er det ikkje noko krav om at du må skrive nynorsk når du studerer med oss!
Praksis og utveksling i utlandet
Du kan ta delar av utdanninga i utlandet. Vi rår mellom anna til utveksling til våre samarbeidsinstitusjonar i Australia, Belgia, Sør-Korea og USA. Les meir om internasjonalisering på nettsidene våre.
Les også om Iben Ekornås si praksiserfaring frå opphaldet i Italia.
Undervisningsmåtar og vurderingsordningar
Undervisninga er lagt opp i ein kombinasjon av førelesing, sjølvstudium, gruppearbeid og praktiske øvingar. Det er lagt stor vekt på å gjere undervisinga arbeidslivsrelevant. Det er høve til å velje praksis som eit valemne. Praksisopphald og delar av utdanninga, kan gjennomførast i utlandet same semester. Du får også tilbod om å delta på ein eller fleire studieturar.
Studiet har varierte vurderingsformer. Les meir om vurderingsordningar og eksamen i studie- og emneplanane.
Aktuelle yrke og vidare studium
Studiet gir deg brei kompetanse til å jobbe med planlegging- og utviklingsoppgåver i offentleg, frivillig og privat sektor. Bachelorgraden kvalifiserer mellom anna for opptak ved Master i samfunnsplanlegging og leiing ved Høgskulen i Volda.
Tidspunkt for oppmøte og samlingar
Vi startar tysdag 20. august 2024. Velkommen!
(Meir informasjon om programmet kjem etterkvart).
Pensum
I haustsemesteret vil det vere 3 emne som går parallelt. Kvart emne er på 10 stp og har eksamen i haustsemesteret.
Studieplan
Samfunnsutvikling - bachelor
Bachelorstudiet i samfunnsutvikling er eit tverrfagleg studium som gir ein allsidig bakgrunn for å jobbe med planlegging- og utviklingsoppgåver i offentleg, frivillig og privat sektor.
I studiet utviklar ein kompetanse innan sentrale tematikkar som:
- Berekraftig samfunnsutvikling og planlegging på lokalt og regionalt nivå (PLA)
- Governance/styring; demokratiutøving, styringssystem, økonomi og samstyring lokalt, regionalt og internasjonalt (GOV)
- Prosessleiing: prosesskompetanse, omstilling og endringskompetanse, kommunikasjon og samhandling (PRO)
Arbeidslivsrelevans er mellom anna ivaretatt gjennom ulike typar prosjektarbeid, praksis og samarbeid med offentlege, frivillige og private institusjonar. Du får også tilbod om å vere med på ekskursjon til utlandet og kan ta både praksis og delar av studiet i utlandet.
Studiet kvalifiserer til mastergradsstudium i Samfunnsplanlegging og leiing ved Høgskulen i Volda.
I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten skal ha kunnskap om og forståing av:
- Sentrale teoriar, metodar og arbeidsmåtar på tvers av og innan si sjølvvalde spesialisering i samfunnsplanlegging, samfunnsstyring/governance eller prosessleiing
- Samfunnsfagleg forskingsmetode og akademisk skriving
- Samspelet mellom politikk, økonomi og sentrale rettsområde i samfunnsutvikling
- Plansystemet og viktige verktøy i berekraftig samfunns- og arealplanlegging
- Verdien av demokratisk deltaking i plan- og utviklingsprosessar
Studenten kan:
- Reflektere kritisk rundt og vurdere samfunnsvitskaplege tema, utviklingstrekk og utfordringar i samfunn og organisasjonar
- Planlegge, samle inn og framstille fagstoff som svarer på ei forskbar problemstilling
- Planlegge, gjennomføre og formidle i prosessar og prosjekt bygd på teoretisk og metodisk forståing innan fagfeltet
- Kommunisere og samhandle i tråd med arbeidslivet sine krav og etiske retningslinjer, både munnleg, skriftleg og digitalt, og både individuelt og i grupper
- Bruke grunnleggjande ferdigheiter i GIS (geografiske informasjonssystemer) i berekraftig samfunns- og arealplanlegging
Generell kompetanse
Studenten skal etter endt utdanning vere:
- Kvalifisert til å jobbe med planleggingsoppgåver og prosessleiing i samfunnsutvikling i offentleg, frivillig og privat sektor
- Kvalifisert til vidare masterstudium
Gjennom studiet vil ein møte stor variasjon i arbeidsmåtar og vurderingsformer, med fokus både på fagleg fordjuping og på arbeidslivsrelevans gjennom prosjektsamarbeid og ulike typar praksis.
Studiet har 150 studiepoeng obligatoriske og 30 studiepoeng valfrie emner, og er bygd rundt tre søyler, samfunnsplanlegging (PLA), samfunnsstyring/governance (GOV) og prosessleiing (PRO). Ein kan velje spesialisering innan ein av desse i 4. semester og i bacheloroppgåva 6. semester.
For fordjuping i samfunnsplanlegging (PLA) tilrår vi to av valemna:
- PLA221 Fordjuping i arealplanlegging, kartkunnskap og GIS
- IPA171 Grunnleggjande innføring i leiing
- IPA203 Internship with project report
For fordjuping i samfunnsstyring/governance (GOV) tilrår vi to av valemna:
- GOV115N Kommunal økonomi
- IPA171 Grunnleggjande innføring i leiing
- IPA203 Internship with project report
For fordjuping i prosessleiing (PRO) tilrår vi to av valemna:
- KOH139 Entreprenørskap i kreative næringar
- IPA171 Grunnleggjande innføring i leiing
- IPA203 Internship with project report
Tidlegare fagemne/studium kan innpassast her, jf. §4-10 i Forskrift om opptak, studium og eksamen ved Høgskulen i Volda. Dei valfrie emna som instituttet gjev tilbod om, kan bli avlyst dersom det melder seg for få studentar.
Emne | 2024 Haust | 2025 Vår | 2025 Haust | 2026 Vår | 2026 Haust | 2027 Vår |
---|---|---|---|---|---|---|
Obligatoriske emne 1. studieår | 30 | 30 | ||||
10 | ||||||
10 | ||||||
10 | ||||||
10 | ||||||
10 | ||||||
10 | ||||||
Obligatoriske emne 2. studieår | 30 | |||||
10 | ||||||
10 | ||||||
10 | ||||||
Valemne 2. studieår | 30 | |||||
Utveksling | 30 | |||||
15 | ||||||
15 | ||||||
30 | ||||||
15 | ||||||
15 | ||||||
15 | ||||||
Obligatoriske emne 3. studieår | 30 | 30 | ||||
PLA231 Lokal utvikling og strategisk planlegging | 15 | |||||
GOV231 Regional development in the European Union and Norway: Theories and Practice | 15 | |||||
PRO231 Prosessleiing | 15 | |||||
15 | ||||||
Sum (180 total) | 30 | 30 | 30 | 30 | 30 | 30 |
Det er høve til å velje praksis som eit valemne (fjerde semester). Det vil også kunne leggast til rette for praksisopphald i utlandet same semester. Val av praksisplass skal vere godkjend av instituttet.
Ein kan ta delar av utdanninga i utlandet, både gjennom praksisopphald og gjennom utveksling 4.semester. Høgskulen i Volda har avtalar om studentutveksling med ei rekkje universitet og høgskular rundt om i verda. Val av studieemne skal vere godkjend av instituttet.
- Heiltid
- Varigheit 6 semester (3 år)
- 180 studiepoeng
- Start haustSøknadsperiode 01.02.2024 - 15.04.2024
- Opptakskrav
Generell studiekompetanse.
- Studieplan
Søknadskode : 223 452