Vidareutdanning (bachelornivå)
Tre - tradisjon og fornying
Dette emnet er eit praktisk emne der du får lære om ulike materiale, teknikkar og designprosessar innan fagområde tre.
- Start:
- Haust
- Omfang:
- Deltid
- Studiepoeng:
- 15,0
- Varigheit:
- 1 semester
- Studietype:
- Vidareutdanning (bachelornivå)
- Søk frå:
- 01.02.2025
Studiet har løpande opptak.
Gjennom kreative prosessar, problemløysing og produktutvikling, vert det utvikla materialforståing og design- og bearbeidingskompetanse innan materialområdet tre.
I dette emnet får du mellom anna:
- brei kunnskap om ulike materialar, teknikkar, verktøy og visuelle verkemiddel innan materialområdet tre
- kunnskap om idéutvikling, skissearbeid og designprosessar
- kunnskap om estetisk analyse med vurdering av form og funksjon
- kjennskap til fagtradisjonar, og fagområdet sin plass i skule og samfunn
Opptakskrav
Generell studiekompetanse
Undervisningsmåtar og vurderingsordningar
Arbeids- og undervisningsformene i studiet er ein kombinasjon av førelesing, bruk av digitale formidlings- og læringsressursar og praktisk og teoretisk oppgåveløysing.
Undervisninga vert organisert både individuelt og i grupper, og arbeidet kan vere både lærar- og studentstyrt. Studenten får prosessevaluering i arbeidsøktene og i framleggingssituasjonar.
Aktuelle yrke og vidare studium
Studiet er eit obligatorisk emne i Bachelor i design, kunst og handverk, og vil bli godskrive for dei som ønskjer å fullføre denne graden.
Studiet er også aktuelt for lærarar i skulen som ynskjer eit etter- og vidareutdanningstilbod knytt til trearbeid og treverkstad.
Tidspunkt for oppmøte og samlingar
Studiet er eit enkeltemne på 15 stp. og ein må rekne med to undervisningsdagar i veka på det jamne.
Undervisningsdagar hausten 24 er måndag og torsdag.
Oppstart hausten 2024 er tysdag 20. august. Undervisninga i emnet startar opp måndag 26.08 kl 09.00 på Treverkstaden på Kaarstad.
Pensum
Pensumlister blir publisert på heimesida og i Canvas før studiestart.