Tilsettrepresentantval
Valstyret lyser med dette ut val av tilsettrepresentantar til styret ved Høgskulen i Volda for perioden 01.08.2023–31.07.2027.
For å nominere, sender du e-post til valstyret@hivolda.no. Du kan nominere så mange kandidatar du ønskjer.
Alle tilsette har plikt til å ta imot val og fungere i vedkomande verv så lenge han eller ho er valbare ved vedkomande val, jf. valreglementet §12, pkt. 1. Valstyret ber om at alle nominerte vert spurt på førehand, men merk at dei nominerte ikkje treng gje eksplisitt samtykke. Alle med stemmerett kan nominere kandidatar. Valreglementet og annan informasjon om valet finn du her.
Nominasjonsfristen er 14. april kl. 12.00.
For valet av tilsettrepresentantar til høgskulestyret 2023-2027, er det vedtatt følgande plan:
| Veke 10 | Tysdag 7. mars | Valdato gjeras kjent |
| Veke 10-15 | f.o.m fredag 10. mars t.o.m. fredag 14. april kl. 12 | Nominasjonsperiode |
| Veke 16 | Torsdag 20. april kl. 12 | Svarfrist for dei nominerte |
| Veke 17 | Tysdag 25. april | Presentasjon av dei nominerte kandidatane |
| Veke 19-20 | Måndag 8/5. kl. 08 t.o.m måndag 15/5 kl 14 | Val |
Valet er via Nettskjema og alle tilsette med stemmerett får tilsendt eiga lenkje på e-post.