Semestre

DKLYB101 Profesjonsfagleg digital kompetanse for yrkesfaglærarar

Emnekode: 
DKLYB101
Varighet: 
3 semester
Studiepoeng: 
15
Studienivå: 
Bachelor (grunnivå)
Undervisningssemester: 
2019 Haust
2020 Vår
2020 Haust
Emnenavn på engelsk: 
Professional digital literacy for vocational educators
Eksamenssemester: 
2020 Haust
Krav til forkunnskapar

Ingen. 

Om emnet

Emnet har eit særleg fokus på eigen profesjonsfaglege digitale kompetanse som yrkesfaglærar. For å kunne utvikle digitale fagkunnskapar hos elevane må lærarane utvikle sin eigen profesjonsfaglege digitale kompetanse med eit tosidig siktemål: Det eine handlar om profesjonsutvikling, det andre om sjølve profesjonsutøvinga. Emnet har både praktiske og teoretiske tilnærmingar, og ein får utvikla seg fagleg både profesjonelt og personleg gjennom å tileigne seg nye læringsmetodar for livslang læring. Emnet vil tematisere sentrale delar av rammeverk for profesjonsfagleg digital kompetanse (IKT-senteret, mai 2017) og er ein del av regjeringa si satsing «Yrkesfaglærarløftet – for framtidas fagarbeidarar».

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Kandidaten:

  • har kunnskapar om rammeverk for profesjonsfagleg digital kompetanse

  • har kunnskapar om metodar for læring i teknologirik opplæring

  • kjenner til barn og unge sin mediekultur

  • har kunnskapar om digital dømmekraft og digital studieteknikk

  • kjenner til metodar for å utvikle kunnskap om bruk av digitale ressursar og læringsnettverk

Ferdigheiter

Kandidaten kan:  

  • vurdere og reflektere over sin eigen profesjonsfaglege digitale kompetanse

  • finne, vurdere og ta i bruk digitale ressursar og verkty i eige didaktisk arbeid

  • tilretteleggje for gode læringsprosessar i teknologirike omgjevnader

  • etablere og bruke nettverk som ein del av eiga kompetanseutvikling

Generell kompetanse

  • Kan anvende kunnskap og ferdigheter på sjølvstendig vis i ulike situasjoner i utdanning- og yrkessammenheng gjennom samarbeid, refleksjon og kritisk tenkning.

  • Har betra forståing for teknologien sin plass i samfunnet

Praktisk organisering og arbeidsmåtar

Vi legg opp til problembaserte og studentaktive arbeidsformer, individuelt og i grupper. Emnet gir totalt 15 studiepoeng, fordelt over tre semester (5 studiepoeng på kvart) på deltid. Det er lagt opp til ei felles oppstartssamling. Emnet vil blir organisert med ei veksling mellom 1) skulebasert samarbeidstid organisert lokalt med kunnskapsdeling, praktisk utprøving og nettbasert rettleiing, 2) utviklingsarbeid knytt til eigen undervisings- og opplæringspraksis mellom samlingane, og 3) nettleksjonar og samarbeid på nett. Det blir lagt opp til at deltakarane i emnet skal dele sine arbeid med kvarandre og/eller sine lærarkollegium lokalt på skulen der dei arbeider gjennom obligatoriske arbeidskrav knytt til kvart delemne.

 

Vilkår for å framstille seg til eksamen

Frammøtekrav:

Ingen.

Arbeidskrav:

Emnet har kontinuerlig mappeeksamen der 80% av mappearbeidskrava og fordypnings-/utviklingsoppgåva må vere godkjende for å få godkjent eksamen. 

Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluering og kvalitetssikring

Emnet vert evaluert i samsvar med HVO sitt kvalitetssikringssystem.

Minimumstal: 
10
Maksimumstal: 
130
Emneansvarleg: 
Stian Cornelius Fagerlid
Emnet inngår i følgande studieprogram
  • Profesjonsfagleg digital kompetanse for yrkesfaglærarar - Borgund
VurderingsformGrupperingVarighetKarakterskalaAndelKommentarHjelpemidlerOmfang
Mappeeksamen
Individuell
3 semester
Stått eller ikkje stått
Studenten skal levere ei vurderingsmappe med arbeid frå heile studiet. Vurderingsmappa leverast i Canvas.
Godkjent av: 
Arne Myklebust