Semestre
MUS104 Musikk for barn og unge 2
Det er tilrådd at studenten har notekunnskapar og noko instrumental/vokalpraksis.
MUS104 er eit 15-studiepoengsemne som inngår i årsstudiet i musikk og som en del av bachelorprogrammet i musikk. Emnet kan inngå som fritt emne i andre bachelorprogram. Emnet gir kompetanse for arbeid med musikalsk læring med barn og ungdom i alder 12 - 16 år. Dette medfører utvikling av handlingskompetanse, kunnskapar og haldningar som grunnlag for arbeidet. Det vert fokusert på følgjande hovudområde: musikkutøving, komponering, lytting og refleksjon. Emnet rettar seg inn mot verksemd innanfor eit variert spekter av arbeidsplassar i samfunnet, t.d. grunnskulen, kulturskulen og andre samfunnsinstitusjonar, det frie kulturlivet og privat næring.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap om:
- den estetiske dimensjonen ved musikkfaget
- musikk som skapande og utøvande verksemd
- musikk som kulturuttrykk og samfunnsfenomen
- sentrale musikkpedagogiske metodar, verkty og prosessar på ulike nivå
- digitale media og verkty for musikkundervisning
Studenten kan:
- nytte ulike metodar og verkty som har relevans for musikkfagleg arbeid med ungdom, og tilpasse lærestoff og arbeidsmåtar til ungdomane sine føresetnader og interesser
- nytte og legge til rette for arbeid med digitale verkty i arbeidet, tilrettlegging av PA, grunnleggande mikrofonteknikk og miksing
- nytte musikk i tverrfagleg arbeid
- planlegge og leie musikkfagleg aktivitet med bandinstrument
- reflektere over eigen dugleik innan utøving og praksis
Studenten kan:
- bruke kunnskap og ferdigheiter på ein sjølvstendig måte i ulike situasjonar gjennom å vise samarbeidsevne, ansvarskjensle, evne til refleksjon og kritisk tenking i utdannings- og yrkessamanheng.
Undervisninga blir organisert som veksling mellom førelesningar, gruppearbeid og individuelt arbeid, praktisk/metodisk utprøving og skapande verksemd. Ein nyttar både klasserom og nettundervising.
Det er obligatorisk frammøte til all undervisning, og forventar aktiv deltaking frå studentane - dette inneber også obligatorisk deltaking i øvingar og konsertar i samspelgrupper.
Vi viser til Forskrift om opptak, studium og eksamen ved Høgskulen i Volda §4-6 om obligatorisk frammøte/deltaking.
Studenten må ha godkjendt 5 arbeidskrav for å kunne kvalifisere til eksamen i emnet;
Ei gruppeoppgåve i instruksjon og leiing
Tre ulike komponeringsarbeid
Eit skriftleg arbeid i didaktisk refleksjon
Mappe-eksamen; 4 arbeidskrav skal leverast i eksamensmappe. Eitt av desse arbeidskrava vert trekt ut og vurdert. Karakterskala A - F, der A er beste og E er dårlegaste ståkarakter.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11
- Musikk - årsstudium
- Musikk - bachelor
- Vidareutdanning i musikk
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 Semester | A-F, der A er best og E er siste ståkarakter |