Semestre
PROG-510KFK Programmering, 5.-10. trinn
Fullført lærarutdanning
Emnet byggjer vidare på PRG101-KFK og gir ei djupare forståing kring overgangen frå visuelle programmeringsspråk til tekstbaserte programmeringsspråk, og fordjuping i dei mest brukte tekstbaserte programmeringsspråka i skulen. Emnet gir gode høve til å utvikle eigen kompetanse i programmering og didaktikk, både det å integrere programmering i ordinære undervisningsfag og for å kunne ta fagleg ansvar for valfag programmering for ungdomstrinnet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Kandidaten kan
- vise forståing for algoritmar og datastrukturar
- gjere greie for ulike verktøy for visuell og tekstbasert programmering
- vise forståing for overgangen frå visuell til tekstbasert programmering
- gjere greie for tekstbasert programmeringsspråk til bruk i skulen
- gjere greie for prinsippa i objektorientert programmering
- gjere greie for ulike didaktiske tilnærmingar til tekstbasert programmering, både generelt og knytt til grunnskulen sine fag
- gjere greie for tekstbasert programmering som del av prototyping med mikrokontrollarar
- gjer greie for korleis integrere prototyping med mikrokontrollar i læringsarbeidet
Kandidaten kan
- overføre løysingar til nye problem ved å generalisere og tilpasse eksisterande programkode og algoritmar
- kommentere, feilsøke og vidareutvikle program
- omsetje algoritmar frå visuelle programmeringsspråk til tekstbaserte programmeringsspråk
- skrive oversiktlige og lesbare program ved hjelpe av tekstbasert programmering
- planlegge, gjennomføre og evaluere undervising knytt til tekstbasert programmering og prototyping med mikrokontrollerar
- integrere programmering i elevar sitt læringsarbeid, knytt til grunnskulen sine fag
- vurdere elevarbeid som inkluderer programmering med og utan mikrokontrollar
- kan reflektere over korleis programmering kan styrke samarbeid og djupnelæring, og stimulere entreprenørskap og kreativitet
- reflektere over teknologien og særskilt programmeringa sin plass i samfunnet
Vi legg opp til problembaserte og studentaktive arbeidsformer, individuelt og i grupper. Arbeidsoppgåver er praksisnære, og relatert til læring og formidling. Emnet er organisert med ein kombinasjon av nettleksjonar og læringsressursar, øvingar og prosjektoppgåver.
Frammøtekrav: Ingen.
Arbeidskrav: Utvalde arbeidsoppgåver vil vere markert obligatoriske i semesterplanen. Oppgåvene vil handle om å styrke eigen programmeringskompetanse gjennom praktisk produktutvikling og profesjonsfaglege digitale kompetanse knytt til programmering.
- Programmering for lærarar, 5.-10. trinn - Kompetanse for kvalitet
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 semester | A-F, der A er best og E er siste ståkarakter | 100 | Ingen | Studenten skal levere ei vurderingsmappe med utvalde arbeid frå heile semesteret. Vurderingsmappa skal leverast elektronisk. Grunna den pågåande utviklinga i teknologiske moglegheiter vil arbeidet gjennom semesteret variere litt frå semester til semester, og vil vere tydeleg spesifisert i semesterplanen. |