Semestre
PROG2-17KFK Introduksjon til programmering for lærarar 2, 1.-7. trinn
Ingen
Studentane skal vidareutvikle kompetanse i å planleggje, gjennomføre og evaluere undervisningsopplegg som inkluderer programmering. Det vil i hovudsak nyttast visuelle programmeringsmiljø med mikrokontrollar.
Studentane bygg vidare på haustsemesteret og vidareutviklar eigne ferdigheiter i programmering og korleis programmering kan integrerast i undervisningsfag. Emnet fokuser på praktisk arbeid med programmering med relevante verktøy og metodar for 1.-7.-trinn.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal
- vise forståing for algoritmar
- vise forståing for og kunne kombinere grunnleggande element i visuell programmering med mikrokontrollar
- ha kjennskap til tekstbasert programmering, og overgangen mellom visuell og tekstbasert programmering.
- gjere greie for korleis integrere prototyping med mikrokontrollar i læringsarbeidet
- gjere greie for ulike didaktiske tilnærmingar til visuell programmering med mikrokontrollar
Studenten skal kunne
- utvikle algoritmar med pseudokode og flytskjema, som inneheld grunnleggande element i programmering
- utvikle program til mikrokontrollar som inneheld grunnleggande element i visuell programmering.
- anvende utviklingsmetodar for prototyping
- utvikle enkle program ved hjelp av tekstbasert programmering
- planlegge, gjennomføre og evaluere undervisning med programmering og mikrokontrollar.
- vurdere elevarbeid som inkluderer programmering
Studenten skal kunne
- reflektere over korleis programmering kan styrke samarbeid, djupnelæring, kritisk tenking og stimulere til kreativitet.
- reflektere over programmering sin plass i undervisingsfag
Vi legg opp til problembaserte og studentaktive arbeidsformer, individuelt og i grupper. Arbeidsoppgåver er praksisnære, og relatert til læring og formidling. Emnet er organisert med ein kombinasjon av nettleksjonar og læringsressursar, øvingar og prosjektoppgåver.
Frammøtekrav:
Ingen
Arbeidskrav:
- Studenten skal gjennomføre eit programmeringsprosjekt med mikrokontroller og dokumentere prosessen og resultatet gjennom ei innlevering. Prosessen vil bestå av fleire steg, definert i semesterplanen.
- Studenten skal planlegge,gjennomføre og evaluerer eit undervisningsopplegg som inkluderar programmering og mikrokontrollar og dokumentere prosessen og resultatet gjennom ei innlevering. Prosessen vil bestå av fleire steg, definert i semesterplanen.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Programmering for lærarar, 1.-7. trinn - Kompetanse for kvalitet
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 semester | Stått eller ikkje stått | 100 | Studenten skal levere ei digital vurderingsmappe som inneheld to obligatoriske mappeoppgåvene frå semesteret. | Alle |