REL112N-AVG Religion og livssyn
Ingen
Emnet kan vere del både av halvårs- og årsstudium i RLE. Det skal gje god kunnskap om dei store verdsreligionane, filosofi og sekulære livssyn og moderne religiøse rørsler både i historisk perspektiv og i samtidsperspektiv.
Emnet hentar stoff frå fagområda religions- og livssynskunnskap, teologi og filosofi. Fagstoffet er fordelt på tre delemne:
Del 1: Verdsreligionar
Delemnet er henta frå religionskunnskapen, og er konsentrert om verdsreligionane jødedom, islam, hinduisme, buddhisme og aust-asiatiske religionar. Delemnet omfattar også sentrale tekstar frå religionane.
Del 2: Religion og livssyn i dag
Delemnet kombinerer stoff frå religions- og livssynskunnskap, og er konsentrert om sekulære livssyn, nyreligiøsitet og dei religionsmøta som finn stad i ein globalisert tidsalder.
Del 3: Filosofi og etikk
Delemnet kombinerer stoff frå filosofihistorie og etikk. Det blir lagt vekt på både eit historisk og eit aktuelt perspektiv.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
- om dei ulike religionane og livssyna i historisk perspektiv
- om religionane sine heilage skrifter
- om dei sentrale elementa i truslæra til dei store verdsreligionane og hovudtankane i dei sekulære livssyna
- om korleis dei store verdsreligionane og dei sekulære livssyna blir praktisert i dag og reflektere over kulturmøta som skjer i det norske samfunnet
- om nyreligiøse retningar i Noreg
- om eit utval av eldre og nyare filosofar
- om grunnleggjande etiske omgrep og normative etiske teoriar
- til å kunne analysere både innhaldet i religionane og livssyna og måten dei blir utøvd på, blant anna særskilt kunne drøfte islam sitt møte med Vesten
- til å kunne drøfte religions- og livssyndialogen i Noreg
- til å kunne formidle kunnskapane sine skriftleg
- grunnleggjande digital kompetanse
Emnet er nettbasert og primært lagt til rette i undervisningsverktyet Fronter. Studiet vert organisert etter ein fastlagt kalender for leksjonar, kunnskapsprøve og innleveringar. Fristar vert kunngjort ved semesterstart gjennom denne kalenderen. Studiet er delt inn i dei tre delemna verdsreligionar, religion og livssyn i dag, filosofi og etikk.Som for andre studium ligg det primære ansvaret for læringsutbyttet hjå studenten gjennom lesing og oppgåveskriving.
For å kunne gå opp til eksamen i emnet må studenten
- ha bestått ei digital kunnskapsprøve innan ein frist som instituttet fastset
- ha fått godkjent tre innleveringar knytt til eitt eller fleire av delemna innan fastsett frist
Sensur blir gjennomført i samsvar med Forskrift om opptak, studium og eksamen ved Høgskulen i Volda.
Emnet vert evaluert i samsvar med HVO sitt kvalitetssikringssystem.
kr. 4000
- Religion, livssyn og etikk, 2x15 stp nettstudium
- Religion, livssyn og etikk, 4x15 stp nettstudium
- Vidareutdanning for lærarar i religion, livssyn og etikk 2x15 stp, nettstudium
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 2 Dagar | A-F, der A er best og E er siste ståkarakter | Inntil 3000 ord. |