SABVP125 Utfordringar i yrkesfeltet - barnevernspedagog
SABVP111, SABVP112, godkjende arbeidskrav i SABVP121 og SABVP122
Føremålet med emnet er å gi studentane kunnskap om, og skape ei nærare forståing av, kompleksiteten i barnevernsfeltet og ulike tilnærmingsmåtar til arbeidet. Studentane skal få innsikt i korleis organisatoriske, rettslege og barnevernsfaglege faktorar kan påverke barn og unge sin oppvekst og foreldre sin omsorgskapasitet. Brukarorientering, etisk refleksjon og kunnskapsbasert analytisk tilnærming er sentralt i emnet.
Innhald:
- Barnevernsfaglege emne: Barnevernsarbeid, miljøarbeid i og utanfor institusjon, aktivitetsfag
- Juridiske emne: Barne- og familierett, sosial- og velferdsrett, barnevernsrett, samtykke og tvang m.a. tvang i barnevernet og overfor rusmiddelavhengige
- Sosialt arbeid med familiar
- Omsorgssvikt, overgrepsproblematikk, kriser
- Rusbehandling, re-/habilitering og psykisk helsevern
- Kommunikasjonstrening / samtaleøvingar
- Yrkesutfordringar, fagleg skjønn, etisk refleksjon og etiske dilemma
- Organisasjon og yrkeskunnskap
I samsvar med det nasjonale kvalifikasjonsrammeverket har studenten følgjande læringsutbytte etter fulført emne:
Studenten skal ha tileigna seg kunnskap om:
- familierett, barnevernsrett, generell sosial- og velferdsrett, samtykke og tvang
- saksgang og sakshandsaming i barnevernet
- kommunikasjon med familiar i vanskelege livssituasjonar, med særleg vekt på samtalar med barn
- årsaker til og konsekvensar av omsorgssvikt og hjelpeapparatet sine tiltak
- miljøarbeid i og utanfor institusjon
- kva fritidsaktivitetar har å seie for barn og unge
- re-/habilitering av menneske med fysiske og psykiske vanskar og rusproblem
- tverrprofesjonelt samarbeid
Studenten skal ha ferdigheiter i å:
- føre gode samtalar med brukarar og reflektere over eigen framgangsmåte
- fremje barn sine rettar og sørge for utviklingsfremjande tiltak for barn og unge med særskilde behov, både i og utanfor institusjon
- planleggje, gjennomføre og evaluere fritidsaktivitetar med barn og unge
- samarbeide med ulike aktørar, klient / pårørande og fagpersonar på tvers av ansvarsområde og etatar
Studenten skal kunne:
- møte brukarar av hjelpeapparatet med respekt og empati
- utøve profesjonelt skjønn gjennom å nytte fagleg kompetanse i møte med teoretiske og praktiske problemstillingar
- bidra til tverrprofesjonelle perspektiv på tiltak til dei som treng hjelp frå barneverns-, helse- og sosialsektoren
- analysere og reflektere kritisk over profesjonelle og etiske utfordringar i arbeidet som barnevernspedagog
- nytte forskingsmetodisk tilnærming i profesjonsutøving
Undervisninga består av førelesingar, seminar, praksisretta gruppeaktivitet og samtaleøving. Delar av undervisninga er organisert felles for barnevernspedagogutdanninga og sosionomutdanninga.
Arbeidskrav
- Individuelle skriftlege arbeid i fagtema
- Individuelt skriftleg arbeid og gjennomføring av rollespel i samband med samtaleøvingane
- Gruppearbeid og individuelt skriftleg arbeid i SOM–seminaret (saman om omsorg for barn)
- Skriftleg arbeidskrav ved slutten av emnet (pensumprøve eller liknande). Kravet fell bort dersom studenten kan dokumentere minimum 70 % frammøte til undervisningsaktivtetar.
Arbeidskrava må vere innleverte og godkjende til fastsett tid, slik det går fram av informasjonen i Canvas.
Obligatorisk deltaking:
- Undervisning og gruppearbeid på SOM-seminaret
- Aktivitetsfag
- Samtaleøvingar
- Familiearbeid
- Kommunikasjonsverkstad
Nærare informasjon i Canvas.
Vi viser til Forskrift om opptak, studium og eksamen ved Høgskulen i Volda §4-6 om obligatorisk frammøte/deltaking, dvs. krav om 80 % deltaking.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.
- Sosialt arbeid, barnevernspedagog - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 5 Dagar | A-F, der A er best og E er siste ståkarakter | Eksamensspråk: norsk eller engelsk | Noregs lover eller særtrykk av lovverket |