Valemnet SKR305 dreier seg om temaet fridom. Dette temaet blir utforska gjennom å studere korleis skrift i tida etter 1780 skaper kulturelle og sosiale nettverk med fridom som mål. Emnet synleggjer korleis skriftkulturelle utviklingsprosessar kan bli prega av både konflikt, motstand og samspel mellom dominerande kulturar og sub- og motkulturar. I tillegg ser emnet på korleis desse spenningane utfaldar seg i skrift kontra andre medium, slik som visuelle, musikalske og munnlege kulturuttrykk.

Emnet, som er tverrfagleg, omfattar både humanistiske og samfunnsvitskaplege innfallsvinklar, og ser til dømes på politiske dokument, lovtekstar, skjønnlitteratur, brev, songtekstar, kommunikasjon på internett, samansette tekstar og omsette tekstar. Emnet har eit komparativt perspektiv som bygger vidare på dei obligatoriske emna, og det vil sjå engelskspråklege tekstar i lys av problematikkar som gjeld nynorsk skriftkultur.

Formålet med å studere desse tekstane er å utforske korleis idear om fridom blir til i – og påverkar – ulike skriftkulturar. Medium, sosial klasse, kjønn, seksuell identitet, etnisitet, nasjonalitet, tilgang til internett og grad av lese- og skrivekunne er blant faktorane som har innverknad på desse prosessane, og som vil bli sentrale moment i emnet.