I emnet er omgrepa åtferd og læringsmiljø og samanhengen mellom dei hovudsak. Siktemålet er å gi innsyn i korleis desse omgrepa og relasjonane mellom dei kan legge eit grunnlag for inkluderande opplæring i barnehage og skule. Studentane får omfattande kunnskapar om årsaker og tiltak som gjeld vedvarande utfordringar i arbeidet i barnehage og skule; at nokre syner ei åtferd som hemmar eiga utvikling og læring. I mange høve kan slik åtferd også forstyrre eller hindre verksemda i gruppa eller klassen. Læringsmiljø er eit omfattande omgrep, ofte forstått som kulturelle, relasjonelle og fysiske tilhøve i barnehage og skule som er vesentlege for læring, helse og trivsel. Studentane skal tileigne seg innsikt i kva samanhengar det kan vere mellom kvaliteten på læringsmiljøet og ulike åtferdsuttrykk som kjem til syne i ulike situasjonar. Det gjeld særleg korleis legge læringsmiljøet til rette for å skape gode vilkår for læring og utvikling i ein inkluderande kontekst for alle.