Dette emnet tilbyr fordjuping i sentrale problemstillingar som gjeld globale samfunnsutfordringar. Det vert lagt vekt på å utforske samanhengar mellom globale maktrelasjonar, økonomiske strukturar, berekraft og levekår. Konflikt og samarbeid er nært knytt til disse tematikkane, og emnet tilbyr fordjuping i utvalde døme. Emnet utforskar også urfolksproblematikk både i norsk og internasjonal samanheng, og korleis kjønn, seksualitet og kjærleik blir forstått på forskjellige måtar i forskjellige sosiale og kulturelle kontekstar. Det blir lagt til rette for djupnelæring og vidareutvikling av studentane si forståing av korleis ein kan bruke teoretisk kunnskap i praktiske undervisningssituasjonar. Emnet bidrar til å øve opp studentane si evne til å sjå samanhengar mellom forskjellige tematikkar og problemstillingar, ikkje minst gjennom arbeidet med semesteroppgåva. Studiet gjev studentane ei innføring i didaktiske tilnærmingar til den fleirkulturelle skulen.