Semestre
UL306 Masteroppgåve, heiltid
Fullført og bestått dei første fire fagemna i mastergraden med karakter C i snitt.
Masteroppgåva kan ikkje leverast før ein har stått eksamen i UL305 Vitskapsteori og forskingsmetode.
Mastergradsoppgåva skal vere eit individuelt, sjølvstendig vitskapleg arbeid med relevans for arbeid i barnehage og skule. Oppgåva skal omfatte planlegging og gjennomføring av eit forskingsprosjekt og rapportering av det gjennom ei masteroppgåve. Normalt skal masteroppgåva også omfatte ei empirisk undersøking. Det er opning for at oppgåva kan vere knytt til pågåande FoU-arbeid ved HVO.
I samsvar med det nasjonale kvalifikasjonsrammeverket har kandidaten følgjande læringsutbytte etter fullført emne
Kandidaten har inngåande kunnskap om
- formelle krav til ei vitskapleg oppgåve
- aktuell forskings-, teori- og metodediskusjon med relevans for problemstillinga i oppgåva
- eit avgrensa forskingsfelt som oppgåva tek opp
Kandidaten kan
- bruke vitskaplege arbeidsmåtar for å gjennomføre eit sjølvstendig forskingsprosjekt og velje relevant teori som reiskap i forskingsprosjektet
- bruke føremålstenlege forskingsmetodar som bidreg til haldbare konklusjonar
- vurdere og handtere etiske problemstillingar i forskingsprosjektet
Kandidaten kan
- analysere problemstillingar i sitt fagområde og bidra til utvikling av fagområdet
- formidle sjølvstendig arbeid og meistre fagområdet sin terminologi
- vere deltakar i individuelle og kollektive forskingsprosjekt
Det vert gjennomført to samlingar over to dagar. Ei av samlingane kan vere digital. Det er krav om 70 % frammøte til all undervisning, jamfør Forskrift om opptak, studium og eksamen ved Høgskulen i Volda § 4-6.
Studenten skal under rettleiing utarbeide ein forskingsplan. Forskingsplanen må vere godkjent før sjølve oppgåvearbeidet kan starte.
Masteroppgåva skal gjennomførast som individuelt arbeid med rettleiing. Kvar student får oppnemnt rettleiar. Rettleiinga skal nyttast til å drøfte tekstutkast, val av litteratur, gje praktiske råd om eventuell datainnsamling, og sikre at forskingsetiske retningsliner vert følgde.
Deltaking på minst 70 % av undervisninga, samt få godkjent arbeidskrava.
Arbeidskrav 1: Godkjend forskingsplan i eit omfang på om lag 2000 ord.
Arbeidskrav 2: Eit førsteutkast til kunnskapsgrunnlag og metode på minst 7000 ord skal leverast og godkjennast i løpet av første semesteret.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11
- Spesialpedagogikk - master
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Masteroppgåve | Individuell | A-F, der A er best og E er siste ståkarakter | Nærare retningslinjer for oppbygging og innhald vert gitt på samlingane. | Om lag 32 000 ord +/- 10 % (samandrag, føreord, innhaldsliste, litteraturliste og eventuelle vedlegg kjem i tillegg). |