Såkornmidlar

Høgskulen i Volda har delt ut såkornmidlar sidan 2016. Formålet er auka forskingsaktivitet ved å gi støtte til arbeid med søknader om eksterne midlar til forskingsprosjekt. Såkornmidlane skal brukast til å utarbeide prosjektsøknader til nasjonale eller internasjonale finansieringskjelder. Det er høve til å søkje støtte til å forbetre tidlegare innsendte søknader om ekstern finansiering.

Støtte til arbeid med søknader til Forskingsrådet og Horisont Europa blir prioritert.

Forskingsutvalet godkjente reviderte retningslinjer for såkornmidlar i sak 14/24. Maksimalt søknadsbeløp er kr 75 000 per søknad. Normalt kan ein søkjar få innvilga éin søknad om såkornmidlar kvart kalenderår. Det skal sendast inn ein kortfatta rapport om bruken av midlane ved prosjektslutt.

Søknadsfristen er løpande. Søknad fyllast ut i nettskjema.

Spørsmål om ordninga kan rettast til Forskingsadministrasjonen.