Ny-Noreg møter Svensk-Finland: seminarrapport

I samband med Dei nynorske festspela 1998 skipa Ivar Aasen-instituttet til eit seminar med tittelen Ny-Noreg møter Svensk-Finland. Det var den første internasjonale tilskipinga Ivar Aasen-instituttet har stått for.

Det var ikkje tilfeldig at det nettopp var finlandssvenskane som først vart inviterte. Dei er naturlege samtalepartnarar for nynorskoffentlegheita og for Ivar Aasen-instituttet reint særskilt. Finlandssvenskane har dessutan vore lite påakta som samtalepartnarar.

Seminaret og denne boka er eit forsøk på å rette på det. Boka inneheld innlegga til dei fire innleiarane. Desse er Christer Laurén frå Institutionen för nordiska språk, Vasa Universitet/Europäische Akademie Bozen, Jon Peder Vestad, Avdeling for mediefag, Høgskulen i Volda, Jan Terje Faarlund,Institutt for nordistikk og leksikografi, Universitetet i Oslo og John Sundholm, Åbo akademi.

Vidare inneheld boka Stephen J. Waltons presentasjon av seminaret, og den oppsummerande kronikken Walton hadde i Sunnmørsposten i etterkant av seminaret.


INSTIT : Høgskulen i Volda, HVO.Ivar Aasen-instituttet (f.o.m. 1998)
FORF : Walton, Stephen J. (red.) Høgskulen i Volda, HVO - Ivar Aasen-instituttet (f.o.m. 1998)
TITTEL : Ny-Noreg møter Svensk-Finland : seminarrapport
UTGIV : Høgskulen i Volda
STAD : Volda
SIDEREG: 47 s.
ISBN : 82-7661-100-1
ISSN : 0807-6243
SERIE : Skrifter frå Ivar Aasen-instituttet
ÅR : 1999
HEFTE : Nr. 5
TILGANG: Haugen Bok, 6100 Volda