Arill Riise og Landstinget til Volda

Det blir sjølvsagt ikkje berre spørsmål om utdanning og skule når utdanningsminister Solhjell møter både framtidige lærarar og vaksne studentar klokka 2000 i Berte Kanutte-huset no på onsdag.

Den politiske motstandaren i panelet er 1. nestleiar i Venstre, Trine Skei Grande. Ho er no inne i sin andre periode som stortingspolitikar, men har tidligare vore lærar og førelesar i sosialfag ved Høyskolen i Levanger.

Carsten O. Five lover å dele sin kunnskap om økonomiske problemstillingar. Han er ein av økonomane som trur på lågare rente fram mot sommaren, og oppfordrar no førstegangskjøparar av bustader til å vente til prisane vert enno lågare.

Heidi Nordby Lunde er medlem i Oslo Høyre, og sørgjer for eit panel med breidde i Volda.

Ope møte med utdanningsministeren

Studentar og andre får høve til å stille utdanningsminister Bård Vegar Solhjell spørsmål i kantina i Berte Kanutte-huset mellom kl 1700 og 1830.

Debattprogrammet Landstinget er ein av dei mest krevjande  produksjonane TV 2 lagar. Kvar veke reiser 40 personar og tre lastebilar til ein ny stad i landet for å sende direkte i ein time.

Vil du være publikum på Landstinget, og stille spørsmål til panelet, kan du gå inn på denne vevsida: http://www.tv2nyhetene.no/landstinget/article1689817.ece