Haldningsskapande kurs
Lærarstudentane i 3. klasse ved Høgskulen i Volda var i veka som gjekk, deltakarar i eit omfattande opplæringskurs om førebyggjande arbeid i skulen.
Kurset "Det er mitt valg - Lions Quest" er utarbeidd i USA og tilrettelagt for norske forhold av ressurspersonar frå ulike samfunnsvitskaplege fagfelt.Lions er sponsorar for kurset i og med at det har ein rusførebyggande profil.
Frå seminaret
Kursopplegget er oppbygd av tre modular som byggjer på kvarandre.Modulane er tilrettelagt for forskjellege klassesteg slik at det førebyggande arbeidet vert ei kontinuerleg satsing frå 1.-10.klassesteg.
-Målet er å hjelpe barn og unge til ein positiv sosial adferd. Eigenskapar som å ta hensyn til andre, vise medfølelse, kunne samhandle, utvikle vennerelasjonar og ta ansvar er viktige element i det førebyggande arbeidet i skulane, seier instruktør Wenche Skadberg.
Wenche Skadberg
-"Det er mitt valg-Lions Quest" programmet er eit verkty for læraren i arbeidet med å utvikle desse egenskapane i klassemiljøarbeidet.Vidare rettar ein merksemda mot det å utvikle gode heim - skulerelasjonar og engasjement i forhold til nærmiljøet, fortel Skadberg.
Kurset har før vore brukt av lærarar, barnevernspedagogar, sosionomar og politi. Lærarutdanninga ved Høgskulen i Volda er den andre institusjonen i Noreg som tilbyr kurset til studentar. På sikt vonar vi at dette kan verte eit tilbod til alle lærarstudentane i landet,seier Wenche Skadberg. 
Leik og prosjektarbeid er ein sentral del av kursopplegget
