Messias-konsert i Volda Kyrkje, laurdag kl. 18.00
Komande helg blir storverket Messias av G.F. Händel å høyre i Volda kyrkje. Det er Koret ved Høgskulen i Volda med dirigent Leif Barmen som tek dette løftet.
Koret har med seg eit orkester som består av 21dyktige musikarar, dei fleste med lokal tilknytning. Solister er Helga Botn, Kari Aske Osnes, Lars Ivar Nordal og Alf K. Vatne. Alle disse er songarar på høgt nasjonalt nivå. Særleg interesse knyter det seg kanskje til den unge tenoren Lars Ivar Nordal frå Volda som er eit relativt nytt namn for mange. Han studerer for tida song i Berlin. Koret ved Høgskulen tel om lag 70 songarar med fin fordeling mellom stemmegruppene. Volda Kyrkje førstkomande laurdag kl 18.00 og søndag kl 20.00. Billettsalg ved inngangen.
Velkommen.
