Musikkarkivet med CD
Folkemusikkarkivet har samarbeidd med Sunnmøre spelemannslag og gitt ut ein CD med Sunnmørs-musikk. Det meste er frå Folkemusikkarkivet sine samlingar. Plata har 21 spor, med stor variasjon: Springdansar og religiøse folketonar, brudemarsjar og gammaldans,. Det meste av dette har ikkje vore spelt på 100 år.
Høgskulen sine folk, nåverande og tidlegare, er sterkt representerte, og opptaka er gjorde ved HVO. M.a. er Leif Barmen produsent, med Klaus Blø som assistent. Franck Aubry frå 2. animasjon har laga den grafiske utforminga, og Jostein Fet har skrive det fyldige tekstheftet. (Fet har tidlegare skrive boka Folkemusikken i Møre og Romsdal, eit standardverk om folkemusikk. Også gitt ut av Folkemusikkarkivet.) Blant spelemennene er det fleire som har fartstid ved høgskulen.
Folkemusikkarkivet for Møre og Romsdal har lokale i Hans Strøm-huset og organisasjonsavtale med HVO.
Plata går nå ut for sal over store deler av landet, for 160 kroner. Ho kan kjøpast i Folkemusikkarkivet, tlf. 70 07 50 92 eller 915 14 792, epost folkemusikk@hivolda.no
