Musikkstudentar i eige lydstudio

I musikkstudioet med 16 digitale spor får musikkstudentane høve til å feste sine eigne musikalske prestasjonar på band. Vi tok oss ein tur for å sjå korleis ei gruppe grunnfagsstudentar arbeidde i studioet i Kaarstad-huset.


Studentane får instruksjon

Tre kveldar hittil i år har desse grunnfagsstudentane fått bryne seg på dei mange tekniske utfordringane i kontrollrommet. Dette for å få ei viss innsikt om kva som foregår på andre sida av glasvidauget når ein spelar inn musikk i studio.


Trestemt song krev konsentrasjon

Musikken er spelt inn på førehand. No er det klart for å legge på song. Med fast konsentrasjon får ein instruksar frå lærar om å køyre lydprøve, stille inn og gå for opptak.


Gjengen er tydlegvis nøgd med resultatet

Etter dette "taket" fekk vi huka tak i ein av deltakarane for å høyre hennar inntrykk om dette nybyrjar-kurset.

Lærerikt
Kristin Martinsen (22) kjem frå Spikkestad og studerer på andre året i Volda. I år er det musikken som får stå i sentrum, og det endelege målet er å få jobbe med musikk i ei eller anna form, anten som musikkterapeut eller musikkskulelærar.

Kva inntrykk har du av dette kurset Kristin?
- Det er klar at det er mange detaljar å få med seg, og at ein gløymer litt frå gong til gong. Det viktigaste er likevel å få prøve sjølv, og arbeide etter prøve-og-feile-metoden. Det er lærerikt! Men det er heilt klart kjekt å få ei viss innsikt slik at ein kan vere sjølvhjelpt i forhold til små og store musikkproduksjonar, fortel Kristin.

Vidare fortel ho om eit godt miljø blant musikkstudentane. -Eg trivest kjempegodt både med studiet og Volda. Her er det lett å få oversikt over bygda, og mange bra studenttilbod å engasjere seg i. Vi som studerer musikk kan velje om vi vil synge i høgskulekoret eller spele i symfoniorkesteret. I tillegg legg vi opp til ein del interne huskonsertar, seier Kristin.

På sikt er det også meininga at dette kurset i lydteknikk skal munne ut i at studentane kan gjere opptak av eigne musikalske framføringar. Så får ein sjå då om kunnskapen held til nye utfordringar.


Kaarstadbygget kom med den første CD'en


Det populære mannkoret Kaarstadbygget. (Foto: Nærnett)

Studentkoret "Kaarstadbygget" brukte studioet til å spele inn CD'en "Svamp" no i vår. Produsent var Per Oddvar "Prots" Hildre, ein nestor innanfor kormiljøet i Volda og Noreg.

-gml