Ny høgskuledirektør
Direktør Jacob Kjøde jr.ved Fylkessjukehuset i Volda er tilsett som ny direktør ved Høgskulen i Volda.
Jacob Kjøde jr. er 53 år gamal og er utdanna Cand. polit. med hovudfag i offentleg administrasjon og organisasjonskunnskap, mellomfag i samanliknande politikk og sosiologi grunnfag.
Kjøde jr. var tilsett ved Distriktshøgskulen i Volda i 16 år. Den fyrste tida var han tilsett i administrasjonen, men størstedelen av tida var han amanuensis og hadde mellom anna ansvar for trygdeutdanninga ved distriktshøgskulen. I same tidsrom deltok han i fleire prosjekt- og utgreiingsarbeid innanfor helsesektoren i fylket. Sidan 1994 har han vore tilsett som direktør ved Fylkessjukehuset i Volda.
Dersom Kjøde jr. skulle takke nei til stillinga, vil avdelingsdirektør Inger Marie Bakken ved Statens vegvesen i Trondheim få tilbod om stillinga. Ho er samfunnsvitar og har vore personalsjef ved NTNU i Trondheim .
Der var 8 søkjarar til stillinga.
