Stemningsfull opningsseremoni
- Om sommaren er det nok så stille her i Volda, så det er godt å kjenne at bygda vaknar til liv, strålte programleiar Kristin Kibsgaard Sjøhelle. Berte Kanutte-huset var fullt med nye studentar, gamle studentar og tilsette under opninga.
Ingvild Elgtvedt og The Simones opna det heile med eit musikalsk innslag, og skapte ei god ramme for opningsseremonien.
Vidare i programmet heldt rektor Jørgen Amdam tale og studenttingsleiar Ole Martinus Breivik. Kultur og næringssjef i Volda kommune, Gunnar Andenes helsa nye studentar velkomne, og fadderansvarleg Jenny Ekrem Skjærseth stemde i med faddersong frå scena saman med dei om lag 50 fadderane.
Engasjerte faddarar helser nye studentar velkommen (Foto: Øyvind Flåskjer)
Rektor Jørgen Amdam kom med påminning om at alle dører er
opne for studentane, og ønskte dei lykke til med studia. (Foto: Øyvind Flåskjer)
Gjensidig kontakt
RektorJørgen Amdam oppfordra studentane til å engasjere seg for å halde på Volda sitt gode studentmiljø, og ha ei gjensidig kontakt med Høgskulen.
- Høgskulen i Volda skal auke kvaliteten på sine utdanningstilbod. Vi har større søking og fleire opptekne enn i fjor, og i tida framover vil det vere viktig å rekruttere gode fagfolk.
I talen peika også rektor på at Høgskulen er ein berebjelke i samfunnet. Jørgen Amdam framheva samarbeidet som Høgskulen har med Volda kommune, og utfordra kommunen til å våge og satse på kulturprosjektet Innovata. Rektor Jørgen Amdam avslutta med ei oppmoding til regionale politikarar, om å betre rammevilkåra for høgskulane i fylket.
- Tre underfinansierte høgskular ikkje blir eit livskraftig universitet av å slå seg saman.
