Ta 20 vekttal undervisningsretta matematikk
Høgskulen i Volda er ein av få lærarutdannings-<br>
institusjonar som tilbyr 20 vekttal (60 studiepoeng) samansett av funksjonslære, statistikk og sannsynsrekning i tillegg til grunnkurset.
-På samordna opptak har vi tilbod om matematikk (20vt.), seier Leif Bjørn Skorpen, seksjonsleiar for matematikk ved Avd. for lærarutdanning. På lokalt opptak har vi og tilbod om 10 + 10 vt. einingar i matematikk.
Tilbodet er aktuelt både som fagutdanning i oppbygging av faglærarkompetanse, og vidareutdanning, seier Skorpen.
Matematikk årsstudium
60 studiepoeng (20 vt)
Studiet skal gi grunnlag for innsikt i dei matematiske metodane og prinsippa som elevane arbeider med i skulen. Innhaldet siktar mot heile grunnskulen. Om undervisninga, sjå Matematikk 1 (10 vt) og Matematikk 2 (10 vt).
Matematikk 1
30 studiepoeng (10 vt)
Formål
Gjennom fagleg, didaktisk og metodisk opplæring skal eininga gi studentane grunnlag for å undervise i matematikk i grunnskulen. Studiet gir innsikt i dei matematiske metodane og prinsippa som elevane arbeider med i skulen. Studiet siktar mot heile grunnskulen.
Innhald
Undervisninga omfattar desse hovuddisiplinane: tal og tallære, algebra/funksjonslære, statistikk/ sannsynsrekning, geometri og fagdidaktikk.
Arbeidsformer
Arbeidsformene er prega av studentaktive læringsformer medeit stort innslag av oppgåve- og problemløysing, støtta av oppgåvedrøfting og forelesing.
Kompetanse
Studiet gir grunnlag for opptak på matematikk 2, eller som vidareutdanning.
Matematikk 2
30 studiepoeng (10 vt)
Studiet kan veljast av studentar og lærarar som ønskjer å utvide matematikkfaget til eit årsstudium i faget.
Innhald
Undervisninga omfattar hovudemna:
Funksjonslære, statistikk, sannsynsrekning og fagdidaktikk.
Arbeidsformer
Det vert lagt vekt på ein problemløysande arbeidsmåte med oppgåveløysing, oppgåvedrøfting og forelesing.
Kompetanse
Studia kan gå inn som del av allmennlærarutdanninga, eller som vidareutdanning.
