Tidlegare animasjonstudent vann Oscar for beste animerte kortfilm
Animatør Isak Gjertsen vart i natt den stolte vinnar av Oscar for beste animerte kortfilm med "Peter og Ulven". Isak er tidlegare animasjonsstudent ved høgskulen, og var ferdig med bachelorgrada i 2004. Filmen er co-produsert av norske Storm Studios og Isak Gjertsen medvirka i produksjonen.
Natt til søndag fekk Storm Studios Oscar-statuett for beste animerte kortfilm med "Peter og ulven". Animatør Isak Gjertsen frå Narvik var stolt over prisen:
- ”Peter og ulven” er ein dokkefilm. Men då filmskaparane trengte å få lagt inn ein del dataanimerte element, så vart eg leigd inn for å jobbe med dette i to-tre månadar. Mitt bidrag til filmen er rundt to minuttar av dei til saman 30 minutta filem varer, seier Isak til NRK Nordland.
- Eg har kanskje min vesle del i Oscar-statuetten, sjølv om vi til saman var rundt 50 personar involvert i prosjektet. Det var uansett artig at den vann.
Du kan lese ein kort filmomtale her
