Voldastudentane kan velje mellom nesten 100 emne
- Dette gjer at til dømes ein journaliststudent kan velje drama eller kunst og handverk, seier Oddvar Aalde i Studieadministrasjonen ved høgskulen.
- Bachelorgradsstudentar på sosionom, barnevern og førskulelærar er unnateke ordninga, då desse allereie har eit fastlagt utdanningsløp, men elles gjeld dette for alle bachelor- og mastergradsstudentar.
Ny versjon av Studentweb
- Det som er nytt for studentane no er at dei skal bruke ein ny versjon av Studentweb.
- Studentweb er eit nettverkty som er likt for fleire utdanningsinstitusjonar i Noreg, og vert mellom anna brukt til å søkje undervisingsopptak, gjere ordinær registrering og godkjenning av utdanningsplan, sjekke svar på undervisingsopptaket for emne med stor søking og å oppdatere semesteradressa for den enkelte student.
- Tidlegare har studentane fødselsnummer og ei pinkode til Studentweb, men no kan ein også nytte brukarnamnet og passordet som studentane har til andre IT-system, fortel Aalde.
- Studentane vil også oppleve noko endra nettsider i Studentweb.
- Nettsidene er forklarte med hjelpetekstar undervegs. Desse er merka med snakkeboble med eit spørsmålsteikn i. 
Gå til sidene for Undervisingsopptak og semesterregistrering
Om studentar har spørsmål eller behov for hjelp kan dei kontakte Sørvistorget i 1. etg. i Berte Kanutte-huset - det er ope kvardagar mellom 09.00-15.00, eller eventuelt på telefon 70 07 50 18. [sorvistorget@hivolda.no]