Leik og moro i julestria
Studentane i faget NHR (Natur Helse og Rørsle) i barnehagelærarutdanninga har laga spennande hinderløyper for barn frå 1-5 år. Det er kjekt for barna å kome til eit tilrettelagt opplegg og bra for studentane å få øve seg på å tilpasse aktivitetane til dei ulike aldersgruppene i barnehagen.
Kunnskapsområdet NHR er eit obligatorisk emne i studieprogrammet Bachelor i barnehagelærarutdanning, og inneheld fleire fagområde som økologi, naturkunnskap og førebyggjande helsearbeid i barnehagen. Kunnskapsområdet skal gi studentane grunnlag for å ivareta barns helse og behov for rørsle.
Høgskulelærar Liv Ingunn Sætre er ansvarleg for dette undervisningsopplegget. Under barnehagebesøket får studentane øve seg på å observere barns motoriske utvikling og i etterkant reflektere over kva som fungerte bra og evt. kva som bør rettast på til neste gang.
Høgskulelærar Liv Ingunn Sætre saman med barn frå Trollsletta barnehage. (I bakgrunnen: student som observerer).
Takk for besøket!