Mentorstudium med ny oppstart

32 studentar med erfaring frå barnehage og skule har gjennomført eksamen i Mentorutdanning I, eit samarbeid mellom Høgskulen i Volda og Høgskulen i Sogn og Fjordane. -Studentane har gitt gode tilbakemeldingar og vi startar opp nytt studium 17.januar 2011, seier studieprogramansvarleg Bente Vatne.

73614199b81730d260d4c3562eddf1354b9db447 Studiet har som formål å styrkje rettleiarkompetansen i barnehagar, i grunnskular og i vidaregåande opplæring og er retta mot ulike rettleiingsoppgåver i institusjonane. Studiet har ei brei tilnærming til rettleiingsfeltet og legg vekt på å utvikle både kunnskapar om og ferdigheiter i rettleiing. Studiet skal utvikle kompetanse i å rettleie nyutdanna lærarar i barnehage, i grunnskule og i vidaregåande opplæring.