MID-praksis med premierevisning i morgon
Som avsluttande praksis har studentane ved Media, ikt og design (MID) kvar si gruppe elevar frå Bratteberg skule i deira temadagar om film. Med spøk og spenning har elevane skrive manus, laga dreiebok og spelt inn sine eigne filmar.
I morgon er det visning av filmane for alle som vil sjå. Møt opp i Store Aud., Berte Kanutte-huset ved Høgskulen i Volda kl. 08.30.
- Vi hjelper dei i prosjektet, og no er vi i full gong med mellom anna klipping, fortel Torill Elise Kolbeinsen (22). Ho er ein av MID-studentane ved Høgskulen som har lærarpraksis.
- Vi har hatt to veker saman med elevane, og det har vore ei spennande utfordring, seier ho.
Medstudent Jarl Vinjevoll (24) er samd, og seier at eit viktig mål er å gjere elevane kritiske til det dei ser på fjernsyn og film kvar dag.
Filmpremiere i morgon
- Vi starta med å skrive kvar vår historie, fortel Martin Aleksander Bratteberg (12).
- Deretter kom vi i grupper, og hadde avstemming om den beste filmen. Denne laga vi manus og dreiebok til, før vi gjekk i gong med filminga.
- Då fekk vi masse hjelp frå lærarstudentane.
- Eg gled meg til i morgon – då skal vi ha visning av alle filmane, og då skal publikum stemme over den som er best. - Eg håpar vi vinn, smiler han.
Avgjerande med studentinvolvering
- Det har vore avgjerande for oss å ha dette flott prosjektet saman med Høgskulen, kommenterer 6. klassingane sin faste lærar, Siri Marie Eiksund ved Bratteberg skule.
- Utan alt dette flotte utstyret og den kompetansen som studentane ved Høgskulen sit på hadde vi aldri fått gjennomført dette.
Les meir om Media, ikt og design-studiet i Volda Les om dei andre studietilboda ved Høgskulen i Volda