Ut i jobb-dagen

I kantina i Berte Kanutte-huset var det i samband med «Ut i jobb-dagen» skipa til ein møteplass for HVO-studentar med lærar- eller førskulelærarutdanning og framtidige arbeidsgjevarar. Over 20 kommunar frå Nordfjord og Møre og Romsdal hadde rigga seg opp med standar for å gjere seg lekre for HVO-studentane.

Mange HVO-studentar fekk møte framtidige arbeidsgjevarar på "Ut i jobb-dagen".

Vil jobbe med menneske

Lærarstudent Cecilie Pettersen (35) ønskjer å jobbe i den vidaregåande skulen. Ho gler seg til å begynne i lærargjerninga si.

– Eg likar å jobbe med menneske. Eg ønskjer å vere ein ressurs for elevane og motivere dei for skulearbeidet, seier ho.

Astrid Lindvik Velsvik, Cecilie Pettersen.

Bra initiativ

Kommunalsjefen for oppvekst og kultur i Ulstein kommune, Leif Ringstad, synes initiativet til «Ut i jobb-dagen» er veldig bra.

– Det er viktig å møte framtidige lærarar og fortelje at vi har behov for dei, seier Leif Ringstad i Ulstein kommune.