Semesterregistrering for våren 2025 – gjer det no!
Vi ser fram til vårsemesteret 2025. Alle studentar, både nye og dei i eksisterande studieløp, må registrere seg for nytt semester i 2025. Finn snarveg til registreringa her.
Det blir kjekt å sjå studentar på høgskuleområdet igjen etter jula, og spennande med nye studentar som skal starte å studere hos oss i det nye året – eit ekstra velkomen til dykk.
Når du registrerer deg som ny student, får du tilgangen du treng for å logge inn i dei ulike systema vi nyttar oss av på høgskulen. Der finn du viktig informasjon som frammøte eller første digitale samling. Støtte frå Lånekassen blir heller ikkje utbetalt før du er semesterregistrert.
Eksisterande studentar i eit løp må også registrere seg på nytt for vårsemesteret.
Ha eit godt semester alle saman!
