Voldastudentar webstreamer Lego League

Bileta her tekne av Gaute Hareide ved FLL-konkurransen i fjor.

Førebuingane har i stor grad gått med til trening i fleirkameraproduksjon.
– Vi skal sende konkurransen på ein storskjerm i konkurranselokala, i tillegg til å streame sendingar på internett, forklarar Kjetil Vaage Øie ved Avdeling for kulturfag.

– Vi skal bruke seks kamera til å dekkje konkurransen. I tillegg kjem oppgåver som bileteregi, biletemiks, lyd, grafikk med meir.

– Arrangørane melder at ein kan vente eit publikumstal på 700. Det er om lag 20 LEGO-lag som er påmelde, fortel Vaage Øie.

Meir utstyr

– Skilnaden frå i fjor er at vi har lånt fleire kamera for å gjennomføre dette på ein tilfredsstillande måte, seier han.

– I tillegg har vi kjøpt inn ein ny biletemiksar.

– Mangelen på utstyr har vore eit problem gjennom fleire år, men no er vi godt rusta på den fronten – og kan då fokusere meir på innhald enn teknikk.

Les meir på www.hjernekraft.no - du finn videostreaminga på http://mkt.hivolda.no/