Semestre
SOS155 Psykologiske emne
Emnet har som mål å gi studentane ei brei forståing av menneske si psykologiske, sosiale og fysiske utvikling, og korleis dei samanhengane menneske til ei kvar tid er ein del av påverkar både utvikling og aktuell fungering.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- Har brei kunnskap om sentrale teoriar om normal og avvikande individuell utvikling
- Har brei kunnskap om utvikling i vaksen alder og alderdom, med særleg forståing for vaksne og eldre i utsette livssituasjonar
- Har brei kunnskap om korleis individet fungerer i grupper og nettverk
- Har brei kunnskap om omsorgssvikt, overgrep, vald, moglege årsaksforhold, uttrykk og konsekvensar
- Har kunnskap om rus og avhengighet
Studenten:
- Kan analysere og reflektere over ulike vilkår for normal og avvikande utvikling av individ og grupper
- Kan analysere og reflektere over korleis individ og nettverk påverkar kvarandre gjensidig
Studenten:
- Har innsikt i forhold som medverkar til god eller dårleg fungering
- Kan leggje til rette for deltaking og utvikling, og er i stand til å analysere og ta omsyn til korleis kontekst spelar inn i slike prosessar
- Kan leggje til rette for utsette menneske si deltaking og inkludering i viktige grupper og sosiale nettverk
- Kan reflektere fagleg og etisk over individuelle og samfunnsmessige vilkår for deltaking og utvikling
Forelesingar, gruppeaktivitet og seminar.
Obligatorisk frammøte
Alle læringsaktivitetar i emnet er obligatoriske. Ein må ha minimum 80 % frammøte til organiserte læringsaktivitetar. Vi viser til Forskrift om opptak, studium og eksamen ved Høgskulen i Volda § 6-6.
Arbeidskrav
Det er arbeidskrav i emnet. Arbeidskrava inkluderer aktiv deltaking på seminar knytt til sentrale tema i emnet. Arbeidskrava skal skrivast/gjennomførast på norsk. Nærare informasjon vil gå fram i Canvas. Vi viser til Forskrift om opptak, studium og eksamen ved Høgskulen i Volda § 6-7 om arbeidskrav.
Sensur vert gjennomført i samsvar med Forskrift om opptak, studium og eksamen ved Høgskulen i Volda §9-4.
- Sosialt arbeid, sosionom - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Skriftleg eksamen | Individuell | 6 timar | A-F, der A er best og E er siste ståkarakter | Studenten vel sjølv om eksamensbesvarelsen vert skrive på norsk eller engelsk. |