Semestre

MEI303 Forskingsmetode og vitskapsteori

Emnekode: 
MEI303
Varighet: 
1 semester
Studiepoeng: 
15
Studienivå: 
Master
Undervisningssemester: 
2025 Haust
Eksamenssemester: 
2025 Haust
Undervisningsspråk: 
Norsk
Krav til forkunnskapar

I alt 60 studiepoeng av masterprogrammet må vere fullført for å få opptak til emnet, og det inkluderer dei obligatoriske emna Meistring og myndiggjering - samhandlingsperpektivet og Meistring og myndiggjering - strukturperspektivet, som må vere fullført med karakteren C eller betre. 

Om emnet

Studiet skal gi auka forståinga for samanhengen mellom problemstilling, forskingsdesign, forskingsmetode og vitskapsteori, og kompetanse i å gjere metodologiske val. Studentane skal kunne reflektere kritisk  over kva føresetnader og tilnærmingar vitskapleg kunnskap legg til grunn, korleis kunnskapen blir skapt og teken i bruk og korleis den er relevant for yrkesutøving og vidare forsking. Studentane arbeider med desse spørsmåla samstundes som dei utformar problemstilling og gjer vitskapsteoretiske og forskingsmetodiske val i arbeidet med eiga masteroppgåve. 

    Læringsutbytte

    I samsvar med det nasjonale kvalifikasjonsrammeverket har studenten følgjande læringsutbytte etter fullført emne: 

    Kunnskapar

    Studentane skal ha inngåande kunnskap i vitskapsteori og forskingsmetodar innanfor samfunnsvitskapane

    Ferdigheiter

    Studentane skal kunne

    • reflektere kritisk over føresetnader og tilnærmingar i vitskapleg kunnskapsproduksjon og korleis kunnskapen er relevant for yrkesutøving og vidare forsking
    • utforme gode problemstillingar som kan forskast på og gjere vitskapsteoretiske og forskingsmetodiske val
    • presentere og reflektere kritisk over eige arbeid og gje konstruktive tilbakemeldingar til medstudentar både munnleg og skriftleg
    Generell kompetanse

    Studentane skal ha innsikt i vitskapsteori og forskingsmetodar innanfor samfunnsvitskapane, og kunne nytte denne på ein reflektert måte.

    Praktisk organisering og arbeidsmåtar

    Det er tre samlingar i semesteret med tett kopling mellom undervisning i vitskapsteori, forskingsmetode og arbeidet med masteroppgåva.  I undervisninga legg vi vekt på dialog, diskusjon og praktisk øving.  Aktiv deltaking frå studentane er ein føresetnad for læringsutbytet.  Studentane leverer først eit oppgåvenotat som gjev grunnlag for tildeling av rettleiar, og seinare ein prosjektplan som skal diskuterast med rettleiar. Studentane skal også presentere eige arbeid med masteroppgåva og gje kommentarar til medstudentar i seminar. 

    Vilkår for å framstille seg til eksamen

    Det er inntil fire arbeidskrav i emnet. Tre av arbeidskrava skal ta utgangspunkt i problemstillingar gitt av faglærar, og inngå i eksamensmappe, der eit av arbeida vert trekt ut for vurdering. I tillegg skal studentane levere ein prosjektplan som skal diskuterast med rettleiar. 

    Sensorordning

    Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.

    Evaluering og kvalitetssikring

    Emnet vert evaluert i samsvar med HVO sitt kvalitetssystem.

    Minimumstal: 
    5
    Maksimumstal: 
    20
    Emneansvarleg: 
    Silje Louise Dahl
    Bjarte Folkestad
    Emnet inngår i følgande studieprogram
    • Helse- og sosialfag - master (deltid)
    VurderingsformGrupperingVarighetKarakterskalaAndelKommentarHjelpemidlerOmfang
    Mappeeksamen
    Individuell
    A-F, der A er best og E er siste ståkarakter
    100
    Alle arbeidskrava skal lastast opp i eksamensmappa i Inspera. Eit av arbeidskrava vil bli trekt ut for vurdering.
    Inntil 1200 ord
    Godkjent av: 
    Randi Bergem 27.0.2023