I fagmiljøet Digital kompetanse underviser og forskar vi på digital kompetanse i læring, mediekompetanse og digital didaktikk. Vi utviklar og driv studietilbod, kurs og oppdrag frå barnehage til og med vaksenopplæring og høgare utdanning. Tilpassa opplæring, programmering, klasseleiing, mediekultur og medieproduksjon, kunstig intelligens m.m. er eksempel på område vi underviser og forskar på.
Vi samarbeider tett med kommunar og skular i regionen om kurs, etter- og vidareutdanning, til dømes gjennom DEKOMP og REKOMP. I snart 10 år (Ulstein-modellen, frå 2015) har vi satsa spesifikt på dette i tillegg til nettstudia våre, og har brei erfaring med ulike typar oppdrag både for større og mindre grupper, grupper av skular/kommuner eller delar av kollegium, ta gjerne kontakt for å diskutere kva som er mogleg.
Saman med grunnskulelærarutdanninga driv vi også kompetanseheving både av høgskuletilsette, studentar og i praksisfeltet innan profesjonsfagleg digital kompetanse.