Bachelorgrad Vidareutdanning (bachelornivå)
Barnehagelærarutdanning, arbeidsplassbasert
Gjennom denne utdanninga vil du lære om leiing, samarbeid med barn, medarbeidarar og foreldre, saman med korleis ein kan arbeide for å auke kvaliteten i barnehagetilbodet.
- Start:
- Haust
- Omfang:
- Deltid Samlingar
- Studiepoeng:
- 180,0
- Varigheit:
- 8 semester (4 år)
- Studietype:
- Bachelorgrad Vidareutdanning (bachelornivå)
- Søk frå:
- 01.02.2025
Studiet har løpande opptak.
Dyktige og engasjerte barnehagelærarar er etterspurde arbeidstakarar over heile landet. Det er eit meiningsfullt yrke med eit stort ansvar der du får brukt deg sjølv og evnene dine på å rettleie barn på ein positiv måte.
Arbeidsplassbasert barnehagelærarutdanning er ei profesjonsutdanning og ei leiarutdanningsom gir bachelorgrad (180 studiepoeng) over fire år på deltid. Utdanninga skal kvalifisere for utøving av barnehagelæraryrket i eit samfunn prega av mangfald og endring.
Barnehagelærarutdanninga skal utdanne ansvarlege, handlekraftige og reflekterte barnehagelærarar. Utdanninga skal ha ei heilskapleg tilnærming til leik, omsorg, læring og danning. Utdanninga skal legge vekt på at det er viktig med samarbeid, forståing og dialog med heimen til barnet og andre instansar med ansvar for barns oppvekst. Barnehagelærarutdanninga skal vere med å bidra til inkluderande praksis i barnehagen.
Studentane på arbeidsplassbasert utdanning har tre læringsarenaer.
- Den første er undervisning og sjølvsstudium av pensumlitteratur frå høgskulen.
- Den andre er rettleia og vurdert praksis.
- Den tredje læringsarenaen er arbeidsplassen til studenten.
For å støtte studenten gjennom studiet vil høgskulen lage ein partnerskapsavtale med arbeidsgjevar som skildrar plikter og rettar for begge partane.
Opptakskrav
Generell studiekompetanse eller realkompetanse, samt at studenten må ha arbeidplasstilknyting i ein barnehage i minimum 40 % stilling gjennom heile studiet.
Arbeidsgivar og Høgskulen i Volda må inngå ein partnarskapsavtale før studenten kan ta til på utdanninga.
Praksis og utveksling i utlandet
I det tredje studieår vil det bli lagt til rette for eit internasjonalt semester ved ein institusjon som Høgskulen i Volda har samarbeid med.
Undervisningsmåtar og vurderingsordningar
Studiet er organisert med vekt på studentaktive læringsformer i eit sosialt samspel. Undervisning vil bli gitt som ein kombinasjon av vekesamlingar på Høgskulen i Volda og undervisning på nett ein fast dag kvar veke. Konferansesystemet Adobe Connect og e-læringsverktøyet Fronter vert nytta.
Les om vurderingsordningar og eksamen i studie- og emneplanane.
Aktuelle yrke og vidare studium
Utdanninga kvalifiserer til arbeid som pedagogsk leiar og styrar i barnehagar. Andre aktuelle arbeidsplassar er døgninstitusjonar for barn, skulefritidsordningar og offentleg administrasjon. Med 60 studiepoeng vidareutdanning i fag innretta mot undervisning på småskulesteget eller minst 60 studiepoeng spesialpedagogikk, er barnehagelærarar kvalifiserte til arbeid i 1. til 4. klasse i grunnskulen.
Barnehagelærarutdanninga gir grunnlag for opptak til Masterstudiet i undervisning og læring ved Høgskulen i Volda og andre relevante masterutdanningar.