Denne vidareutdanninga er primært retta mot deg som underviser i norsk i grunnopplæringa, men studiet er nyttig for alle som vil styrke nynorskkompetansen sin.
Studiet har eit praktisk og undervisningsorientert perspektiv som vil gi auka kompetanse i nynorsk og i å undervise i norsk.
Innblikk i studiekvardagen
– Nettstudiet Nynorsk i opplæringa er primært retta mot lærarar som underviser i norsk i grunnopplæringa. Eit praktisk og undervisningsorientert perspektiv gir studentane auka kompetanse i nynorsk og i det å undervise i norsk, seier fagansvarleg førsteamanuensis Gudrun Kløve Juuhl.
Vis mer
– Nettstudiet Nynorsk i opplæringa er primært retta mot lærarar som underviser i norsk i grunnopplæringa. Eit praktisk og undervisningsorientert perspektiv gir studentane auka kompetanse i nynorsk og i det å undervise i norsk, seier fagansvarleg førsteamanuensis Gudrun Kløve Juuhl.
Det einaste i sitt slag
Fagansvarleg førsteamanuensis Gudrun Kløve Juuhl.
– Etter det eg kjenner til er denne vidareutdanninga i nynorskdidaktikk for lærarar det einaste i sitt slag og mange som har nynorsk som sidemål gir uttrykk for at dei har stort utbytte av vidareutdanninga, seier Kløve Juuhl ved Institutt for språk og litteratur ved Avdeling for humanistiske fag og lærarutdanning.
– Studentane skal kunne utvikle og leggje til rette for god nynorskundervisning, anten nynorsk er hovudmål eller sidemål, leggje til rette for og stimulere til skrivelyst og skriveglede gjennom bruk av nynorsk i opplæringa og leggje til rette for og stimulere til leselyst og leseglede gjennom aktiv bruk av nynorske tekstar i opplæringa, seier førsteamanuensis Gudrun Kløve Juuhl.
Sentrale tema i vidareutdanninga er den norske språksituasjonen generelt og nynorsk språk, litteratur og kultur spesielt, språksituasjonen i Noreg i historisk og internasjonalt perspektiv, rettings- og rettleiingsstrategiar i elevtekster på nynorsk, relevant didaktikk for god hovudmåls- og sidemålsundervisning, nynorsk språkdidaktikk og litteratur og litteraturformidling.
Om å studere på nett
– Vi har studentar frå Finnmark i nord til Oslo i sør. Tilbakemeldingane frå studentane er gode. Vi legg opp til ein god dialog med studentane og studentane i mellom. På undervisningsplattforma Canvas legg vi ut faglege tekstar og video. Vi har også diskusjonar og videomøte ved høve, seier Kløve Juuhl.
Nynorskklynga
Høgskulen i Volda har ekstra gode føresetnader for å jobbe med nynorsk i opplæringa. HVO ligg i ei «nynorskklynge» med Nynorsksenteret og Ivar Aasen-tunet. Høgskulen har høg kompetanse innanfor norskfaget og ein master i nynorsk skriftkultur. Nynorsk språk og kultur er ein viktig del av høgskulen sin identitet. I lærarutdanninga har ein til dømes lagt inn det å skrive fagtekstar på nynorsk som eit eige emne.
Studiet gir deg innsikt i språksituasjonen slik han er i dag, og dei historiske føresetnadene for at han er slik. I tillegg skal studiet gi innføring i språkdidaktikk og språklæring.
Det didaktiske perspektivet vil stå sentralt i studiet. I Nynorsk i opplæringa 1 vil ein leggje vekt på nynorsken slik han fungerer i dagens samfunn. I Nynorsk i opplæringa 2 vil ein leggje vekt på bakgrunnen og føresetnadene for den norske språksituasjonen.
Opptakskrav
Fullført lærarutdanning eller tilsvarande.
Undervisningsmåtar og vurderingsordningar
Undervisninga er lagd opp med nettleksjonar, sjølvstudium og skriftleg refleksjon over dette. Studentane vil få rettleiing og vurdering frå lærarar. Det vert lagt vekt på at studentane skal arbeide sjølvstendig med fagstoffet.
Aktuelle yrke og vidare studium
Studiet er primært retta mot lærarar som underviser i grunnopplæringa. Målet er at studentane skal kunne drive god opplæring i nynorsk på alle nivå i tråd med intensjonane i Fagfornyinga.
Tidspunkt for oppmøte og samlingar
Nettstudium, ingen oppmøte eller synkron undervisning. Første undervisningsmodul blir publisert i Canvas måndag 15. august
Norsk 2, nynorsk i opplæringa, 1.-13. trinn (nettstudium)
Studieprogram:
Norsk 2, nynorsk i opplæringa, 1.-13. trinn (nettstudium)
Studienivå:
Bachelor (grunnivå)
Studiepoeng:
30
Studielengd:
2 semester
Kull:
2024
Studieplassar:
45
Studietype:
Vidareutdanning (bachelornivå)
Organisering
Deltid
Opptakskrav
Fullført lærarutdanning eller tilsvarande
Om studiet
Studiet er primært retta mot lærarar som underviser i grunnopplæringa. Målet med studiet er at studentane skal kunne drive god opplæring i nynorsk på alle nivå i grunnopplæringa i tråd med intensjonane i Læreplanen.
Studieprogrammet Nynorsk i opplæringa er 30 studiepoeng vidareutdanning for lærarar.
Læringsutbytte
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Kunnskapar
Studenten har kunnskap om
den norske språksituasjonen generelt og nynorsk språk, tekst og litteratur spesielt
språksituasjonen i Noreg i historisk og internasjonalt perspektiv
læringsfremjande vurderings- og rettleiingsstrategiar i arbeid med elevtekster på nynorsk
relevant didaktikk for god hovudmåls- og sidemålsundervisning
litteratur og litteraturformidling, med vekt på nynorsk barne- og ungdomslitteratur
Ferdigheiter
Studenten skal
kunne utvikle og leggje til rette for god nynorskundervisning, anten nynorsk er hovudmål eller sidemål
kunne arbeide med lesing og skriving som grunnleggjande ferdigheiter i eit nynorskperspektiv
kunne leggje til rette for og stimulere til skrivelyst og skriveglede gjennom bruk av nynorsk i opplæringa
kunne leggje til rette for og stimulere til leselyst og leseglede gjennom aktiv bruk av nynorske tekstar i opplæringa
Generell kompetanse
Studenten skal kunne
analysere og reflektere over læraren si rolle som modell, som formidlar og rettleiar i ein språksituasjon med ulike språkformer og kulturelt mangfald
bruke IKT i undervisninga, både fagleg og didaktisk
utvikle sin eigen nynorske tekst- og språkkompetanse gjennom eiga skriving
Organisering og arbeidsmåtar
Studiet er sett saman av to emne på 15 studiepoeng kvar. Sjå emnetabell.
Undervisninga er nettbasert og nyttar læringsplattforma Canvas. Kvart 15 studiepoengs-emne er delt i tre delemne med tilhøyrande pensum, digitalt undervisningsmateriell og skriftlege arbeidskrav. Ein sentral del av studiet er skriving på nynorsk, og studentane vil få rettleiing og vurdering frå faglærarar, i tillegg til å få og gje medstudentrespons.
Alle arbeidskrav og eksamenssvar i studiet skal skrivast på nynorsk. Som avsluttande eksamen skal det leverast ei semesteroppgåve på om lag 3000 ord.
Norsk 2, nynorsk i opplæringa, 1.-13. trinn (nettstudium)
Navn:
Norsk 2, nynorsk i opplæringa, 1.-13. trinn (nettstudium)
