Studer idrett eller friluftsliv i Volda!
Studer idrett eller friluftsliv i Volda!
Som idrett- og friluftslivstudent i Volda får du tilgang til gode fasilitetar som idrettshall, treningsbaner, treningsrom, testlaboratorium og sjølvsagt til den praktfulle sunnmørsnaturen! Høgskulen i Volda har eit fagmiljø med høg kompetanse og lang erfaring innanfor idrett og friluftsliv.
![](/sites/default/files/styles/media_thumbnail_medium/public/2020-02/studiesituasjon_friluftsliv_rgb_foto_marius_beck_dahle_04.jpg?h=d0c468d4&itok=R3dyNEk0)
Idrett- og friluftslivstudentar får delta i og lære gjennom varierte aktivitetar både inne og ute – og med både praktisk og teoretisk tilnærming. Ekskursjonar og aktivitetar i naturen er gjerne den beste måten å lære gjennom.
Her er eit utval av utdanningar vi tilbyr innan idrett eller friluftsliv:
![Idrett Idrettsstudent støter kule.](/sites/default/files/styles/media_thumbnail_medium/public/2020-10/hvo_idrett_2020_foto_tone_solhaug_web-26.jpg?h=a345797f&itok=GWzqqsnO)
Gode grunnar til å studere Idrett og friluftsliv i Volda:
Naturen: Den spektakulære sunnmørsnaturen er leikegrinda di som student. Frå kvasse tindar til flotte fjordar, skog, fjære, fjell, snø, vatn og sjø – i Volda har du tilgang på alt som gjer det deilig å vere ute.
Anerkjent internasjonal tittel: Bachelorgradprogrammet friluftsliv og naturguide ved Høgskulen i Volda kvalifiserer etter ein anerkjent internasjonal standard, som gjer at studentane kan kvalifisere seg til den høythengande tittelen International Mountain Leader.
Gode fasiliteter: Visste du at Høgskulen i Volda har eiga øy? Vi har friluftsbase på Yksnøya, der vi mellom anna lærer om båtliv og overnattar ute. Vi har sjølvsagt tilgang på hallar og utstyret som trengs for å drive med det meste av idrettar. Studentidretten leiger også ut klatreutstyr, kajakkar og har eit av landets billegaste studentidrettslag.
Kontakt med arbeidslivet: Vi har tett samarbeid med ulike aktørar i arbeidslivet gjennom heile studieløpet. Saman med Akademiet for personlig trening tilbyr vi flere studier tett knytta til yrkeslivet.
Verdas beste studiemiljø: Å vere student i Volda gir deg opplevingar og vener for livet!
Dyktige og kompetente lærarar: Har vi dei blidaste og mest energiske lærarane i landet? Det kan ikkje vere langt unna. Det er ingen tvil om at gjengen vår brenn for faget sitt og å dele dette med studentane. Sjå video av Elisabeth under her, så skjøner du at det er eit argument i seg sjølv for å kome til Volda. Fleire tilsette finn du her.